काठमाडौं – विजया दशमीको अवसर पारेर बिहीबार भएको मैत्रीपूर्ण फुटबलमा अखिल नेपाल फुटबल संघ (एन्फा) ले नेपाल खेलकुद पत्रकार मञ्चलाई ४–१ ले पराजित गरेको छ ।
सातदोबाटोस्थित एन्फा परिसरमा रहेको मैदानमा भएको खेलमा एन्फाका लागि रवि महर्जन, मेघराज केसी, लव खत्री र नविन पाण्डेले गोल गरे । मञ्चका सुवास हुमागाईले १ गोल फर्काएका थिए । मैत्रीपूर्ण खेलपछि एन्फाले मञ्चको नयाँ कार्यसमितिलाई बधाई तथा सफल कार्यकालको शुभकामना दिएको थियो । एन्फाका कार्यवहाक अध्यक्ष नरेन्द्र श्रेष्ठ, उपाध्यक्ष कर्मा छिरिङ शेर्पा, महासचिव धिरेन्द्र प्रधानले मञ्चका पदाधिकारी र सदस्यलाई खादा लगाइदिएका थिए । मञ्चको निर्वाचन वैशाख २५ गते भएको थियो ।
