हाम्रो खेलकुद – फिफा विश्वकप २०१८को छनोट चरण अन्तर्गत अर्जेन्टिना र पेरुबिच खेलिएको खेल बराबरीमा टुङ्गिएको छ।
मेस्सिबिना मैदानमा उत्रिएको अर्जेनटिनाले दुईपटक अग्रता लिएतापनि त्यसलाई बचाउन नसक्दा बराबरीमा चित्त बुझाउनु परेको थियो। अर्जेन्टिनाका लागि फुनेस मोरी र गोन्जालो हिगुएनले गोल गरेका थिए।
बराबरीले अर्जेनटिनाको छनोट हुने आशालाई केहि गाह्रो हुने देखिएको छ। ९ खेलमा १६ अंक जोडेको अर्जेन्टिना तालिकाको पाचौं स्थानमा रहेको छ। उरुग्वे तालिकाको शिर्ष स्थानमा १९ अंक लिएर बसेको छ।
