चितवन (हाम्रो खेलकुद) – चितवनमा जारी दोस्रो अन्तराष्ट्रिय आमन्त्रण चितवन भेट्रान्स कप फुटबलमा बुधबार २ खेलको निर्णय टाइब्रेकरबाट भएको छ । अर्को खेलको निर्णय टाइब्रेकरबाट हुने भएपनि निर्णय भने बिहीबार मात्र निस्कने भएको छ ।

पहिलो खेलमा कैलाली भेट्रान्सले नवलपुर भेट्रान्सलाई टाइब्रेकरमा ५–३ ले हरायो । निर्धारित समयको खेल २–२ को बराबरीमा टुंगिएको थियो । चौथो मिनेटमा नवराज बस्नेतको गोलमा नवलपुरले अग्रता लिएको थियो । तर अग्रता लामो समय टिकेन । नवौं मिनेटमा किशोर नेपालीले बराबरी गोल फर्र्काए ।

१८ औं मिनेटमा मनु गौतमले गोल गर्दै कैलाली २–१ ले अघि बढाए । दोस्रो हाफको १७ औं मिनेटमा हरि महतोले गोल गर्दै खेल २–२ को बराबरीमा पु¥याए । कैलाली क्वाटरफाइनलमा प्रवेश गरेको छ । सेमिफाइनलका लागि कैलालीले घरेलु टोली चितवन भेट्रान्स रातोको सामना गर्नेछ । यसअघि उद्घाटन खेलमा जनकपुरमाथि १०–० को जितका साथ चितवन रातो अन्तिम ८ मा पुगेको थियो ।

बुधबार दोस्रो खेलमा चितवन भेट्रान्स निलोले सिमरा भेट्रान्सलाई ५–४ ले पराजित ग¥यो । चितवनका गोलरक्षक बिष्णु दराईले सिमराको अन्तिम प्रहार रोकेपछि चितवन विजयी भएको हो । त्यसअघि निर्धारित समयको गोलरहित बराबरीमा सकिएको थियो ।

चितवन निलोले अब सेमिफाइनल प्रवेशका लागि बुटवल भेट्रान्सको सामना गर्नेछ । तेस्रो खेलमा कालभैरव हेटौंडाको प्राविधिक कारण सहभागी नभएपछि बुटवल वाकओभर पाउदै क्वाटरफाइनलमा पुगेको छ ।

बुधबारको अर्को खेलमा भारतको देहरादुन भेट्रान्स र भनिमण्डल भेट्रान्स ललितपुरबीचको खेल टाइब्रेकरमा पुगेको अवस्थामा साँझ परेपछि बिहीबारका लागि खेल सारिएको छ । आयोजक र दुई टोलीका खेलाडीको छलफलपछि खेल भोलीलाई सार्ने निर्णय भएको बताएको छ ।

दुवै टोलीले ३–३ पेनाल्टी प्रहार गरिसकेको अवस्थामा खेल स्थगित भएको प्रतियोगिता संयोजक वरुण बस्नेतले जानकारी दिए । बिहीबार पहिलो खेल अघि बुधबार स्थगित खेलको टाइब्रेकर गराइनेछ ।

चितवन भेट्रान्स क्लबले आयोजना सुरु भएको प्रतियोगिता फागुन १४ गते सम्म चल्ने । १४ टोलीको सहभागिता रहेको प्रतियोगिताको विजेताले १ लाख ५१ हजार र दोस्रो टोलीले ७५ हजार रुपैयाँ प्राप्त गर्नेछ ।