काठमाडौं (हाम्रो खेलकुद) – नेपालको घरेलु फुटबलका सफल प्रशिक्षक विराटकृष्ण श्रेष्ठले नेपाल पुलिस क्लब छाडेका छन्।
नेपाल पुलिस क्लबको फुटबल इतिहासको स्वर्णिम युगलाई प्रशिक्षण दिएका श्रेष्ठले उपाधिसंगै राष्ट्रिय टोलीका लागि धेरै खेलाडी उत्पादन पनि गरेका थिए। पुलिसको तिन लिग उपाधि, एक राष्ट्रिय लिग उपाधि र धेरै मोफसल कपहरुमा महत्वपूर्ण भूमिका खेलेका श्रेष्ठको केहि साताअघि सम्मानका साथ बिदाई गरिएको थियो।
श्रेष्ठको करार अवधि सकिएको र श्रेष्ठ आफैंले अनुबन्धन बढाउन नचाहेपछि उनले क्लब छाडेका हुन्। पुलिस क्लबको प्रशिक्षणको जिम्मा अब पुर्व कप्तान अनन्त थापाले सम्हाल्नेछन्। यसअघि पनि बिराट गोल्ड कप, बुढासुब्बा गोल्डकप, लगायतको मोफसलको प्रतियोगितामा थापाले जिम्मेवारी सम्हालेका थिए।
श्रेष्ठको पुलिसबाट बिदाईसंगै उनले अब कुन क्लब हेर्ने हुन् भने अझै थाहा भएको छैन। एन.आर.टिको बि डिभिजन लिग दौरान उनि केहि खेलमा सल्लाहकारका रुपमा देखिएका थिए
