हाम्रो खेलकुद – क्रिस्टियानो रोनाल्डोले एक्लै चार गोल गरेपछि पोर्चुगलले एन्डोरामाथि ६-०को सहज जित हात पारेको छ।
विश्वकप २०१८को छनोटचरण अन्तर्गत पोर्चुगलको घरेलु मैदानमा भएको खेलमा रोनाल्डोले दोश्रो मिनेटमै गोलको खाता खोले। लगत्तै चौथो मिनेटमा दोश्रो गोल गरेका रोनाल्डोले ४७औं र ६८औं मिनेटमा थप दुई गोल गरेका थिए।
पोर्चुगलका लागि अन्य दुई गोल जोआवो क्यान्सेलो र आन्द्रे सिल्भाले गरेका थिए। दुई खेलमा पहिलो जित हात पारेको पोर्चुगल तालिकाको तेश्रो स्थानमा छ।
