एजेन्सी – यूईएफए च्याम्पियन्स लिग अन्तर्गत प्रि क्वाटरफाइनल चरणको पहिलो लेगको खेल सम्पन्न भएको छ । युरोपको क्लब फुटबलको शीर्ष प्रतियोगितामा यसपटक पहिलो लेगको नतिजाले भने धेरैलाई अचम्म पारेको छ ।

राउन्ड अफ १६ को पहिलो लेगको ८ खेलमध्य एक घरेलु टोलीले मात्र जित दर्ता गर्न सफल रहयो । पोर्चुगिज क्लब एफसी पोर्टोले इटालियन च्याम्पियन युभेन्टसलाई २-१ ले पराजित गर्न सफल रहयो । यसबाहेक सबै खेलमा पाहुना टोलीले जित दर्ता गरे । विशेषगरी पेरिस सेन्ट जर्मेनले बार्सिलोनाको मैदानमा ४-१ को जितले विश्व फुटबललाई तरंगित भयो ।

अघिल्लो सिजनमा ४ घरेलु टोलीले खेल जित्दा १ बराबर र ३ अवे टोलीले खेल जितेका थिए । त्यसअघि ३ घरेलु टोली र ३ अवे टोलीले जित निकाल्दा २ खेल बराबरीमा सकिएको थियो । २०१६-१७ सिजनमा ६ घरेलु टोलीले जित्दा २ अवे टोलीले मात्र खेल जितेका थिए ।

त्यसअघि सन् २०१३-१४ सिजनमा पनि १ होम टिमले मात्र खेल जितेका थिए । तर त्यसबेला १ बराबरी तथा ६ अवे टोलीले जित दर्ता गरेको थिए । यस किसिमको नतिजाको मुख्य कारण भने घरेलु दर्शकको अनुपस्थितिलाई जोडेर हेरिएको छ । एटलेटिको म्याड्रिड, आरबी लाइप्जिग र लाजियोको मैदानमा दर्शक नहुँदा खेलमा असर परेको आँकलन गरिएको छ ।

पहिलो लेगको नतिजा :

एटलान्टा ०-१ रियल म्याड्रिड

एटलेटिको म्याड्रिड ०-१ चेल्सी

बार्सिलोना १-४ पिएसजी

आरबी लाइप्जिग ०-२ लिभरपुल

लाजियो १-४ बायर्न म्युनिख

बोरुसिया मोन्चेनग्लाडबाक ०-२ म्यान्चेस्टर सिटी

एफसी पोर्टो २-१ युभेन्टस

सेभिल्ला २-३ बोरुसिया डर्टमुन्ड