एजेन्सी – स्पेनिस ला लिगामा आज राति शीर्षस्थानमा रहेको एट्लेटिको म्याड्रिडले भिल्लारियलको सामना गर्दैछ ।

खेल भिल्लारियलको मैदानमा नेपाली समयअनुसार राति १ः४५ बजे हुनेछ । घरेलु टोलीलाई हराउदै एट्लेटिको म्याड्रिडल शीर्षस्थानमा अग्रता बढाउने लक्ष्यमा हुनेछ ।

भिल्लारियललाई हराउन सके एट्लेटिकोले दोस्रो स्थानमा रहेको बार्सिलोनालाई ५ अंकले तथा तेस्रो स्थानमा रहेको रियल म्याड्रिडलाई ६ अंकले पछि पार्नेछ । एट्लटिकोको २३ खेलबाट ५५ अंक छ । बार्सिलोनाको २५ खेलबाट ५३ तथा रियल म्याड्रिडको २४ खेलबाट ५२ अंक छ ।

टोलीसँग लुइस सुआरेज, एन्जल कोरेया, रेनाल लोडी, थोमस लेमार, कोकी, मार्काेस लोरेन्टे, मारियो हर्माेसो, स्टेफन साभिक र गोलरक्षक जान ओब्लाकको साथ रहेको छ ।

यता, घरेलु टोली भिल्लारियल एट्लेटिकोलाई हराउदै अंक तालिका सुधार गर्ने लक्ष्यमा मैदानमा उत्रनेछ । भिल्लारियल २४ खेलबाट ३७ अंक जोडेरु छैटौ स्थानमा रहेको छ ।

टोलीसँग मोइ गोमेज, पाको एल्कासर, जेरार्ड मोरेनो, ड्यानियल पारेजो, इटिने कापोउ, जुवान फोयथ, पाउ टोरेस, राहुल एल्बिओल र गोलरक्षक सर्जियो एसेन्जोको साथ रहेको छ ।

यि दुई टोलीको पछिल्लो १९ खेलको नतिजामा एट्लेटिको ७ खेलमा तथा भिल्लारियल ६ खेलमा विजयी हुदा ६ खेल बराबरीमा सकिएको छ । पछिल्लोपटका यि दुई टोलीले गोलरहित बराबरी खेलेका थिए ।

एट्लेटिको पछिल्लो पाँच खेलमा भिल्लारियलसँग अपराजित छ । एट्लेटिको सोही अपराजित यात्रालाई कायम राख्ने लक्ष्यमा हुदा भिल्लारियल एट्ल्टिकोसँगको हारको यात्रालाई पुर्णविराम लगाउने लक्ष्यमा हुनेछ ।