एजेन्सी – इंग्लिस स्टार डेविड बेकह्यामको इन्टर मायमीले अमेरिकाको मेजर लिग सकर (एमएलएस) मा दोस्रो सिजन खेल्दैछ । उनको टोलीले फुटबलका केहि ठूला नामलाई भित्राइसकेका छ । जसमा गोन्जालो हिगुआइन, ब्लेसी मातुडइी उदाहरण हुन् ।

इङ्ल्यान्डका पूर्व कप्तान बेकहम भविष्यमा अझै ठूला स्टारलाई भित्राएर बलियो टोली बनाउन चाहन्छन् । ‘मैले पहिला पनि भनिसकेको छु । हाम्रो एकेडेमी क्लबकै एउटा पाटो हो । हामीले यहाँ ठूला खेलाडी ल्याउनु भनेको टोलीलाई अझै शसक्त र मजबुत बाउनु हो’, क्लबको नयाँ किट सर्वाजनिक गरेपछि उनले भने,‘ हामी समर्थक फुटबल ठूला स्टारलाई क्लबमा हेर्न चाहन्छन् ।’

उनले आफूहरुँग भएका स्टारका बारेमा भने,‘ हामीसँग गोन्जालो र मातुइडी छन् । जसले गर्दा टोलीको रौनक बढाएको छ । हामी भविष्यमा अझै ठूला नाम जोड्न चाहन्छौं ।

बेकहमले बार्सिलोनाका सुपर स्टार लिओनल मेस्सी र युभेन्ट्सका क्रिस्टियानो रोनाल्डोका विषयमा पनि बोले । ‘पक्कै हामी सधै उत्कृष्ट खेलाडी भित्राउन चाहन्छौं । मेस्सी र रोनाल्डोजस्ता ठूला नामलाई भित्राउन हामी जहिले पनि तयार छौं । उनीहरुलाई भित्राउन हाम्रो आकांक्षा हो ।’

बेकह्यामले यसो भनिरहँदा दुवै स्टार आफ्नो करिअरको अन्त्यतिर आएका छन् र अमेरिकी लिगमा आउने सम्भावना पनि छ । मेस्सीले सन् २०२० डिसेम्बरमा एक अन्तर्वार्ताका क्रममा अमेरिकामा गैर खेल्ने इच्छा व्यक्त गरेका थिए । यस्तै रोनाल्डोका सहकर्मी नानीले पनि रोनाल्डोले अमेरिकामा रहेर करिअर अन्त्य गर्ने सम्भावनाबारे सकारात्मक रहेको बताएका थिए ।