नैकाप फूटबल मैदानलाई राष्टि्य स्तरकाे खेल मैदानमा विकास गर्न विशेष पहलका लागि आयाेजित नैकाप गाेल्डकप २०७३ काे उद्घाटन खेलमा तारकेश्वर युवा क्लब जनचाहना साकाेस विरूद्ध बिजयी भएकाे छ।
उद्घाटन खेल निर्धारित ९० मिनेट १-१ काे बराबरीमा राेकिए पछि खेल ट्राइबेकरमा लगिएकाे थियाे । खेलकाे सूरूवाती गाेल जनचाहना साकाेस का तर्फ बाट पहिलाे हाफकाे आठौँ मिनेटमा बिशाल अर्यालले गरेका थिए। दाेस्राे हाफकाे १३ मिनेटमा लयमा फर्किएकाे तारकेश्वरका तर्फबाट एरिक बिष्टले बराबरी गाेल गरे ।
त्यस पछि कुनै गाेल हून सकेन र खेल ट्राईबेकरमा पुग्याे । ट्राईबेकरमा ६-५ काे बिजय दर्ता गराऊन सफल तारकेश्वरका एरिक बिष्ट म्यान अफ दि म्याच घाेषित भए ।