3 years ago
March 22, 2021
काठमाडौं (हाम्रो खेलकुद)– दशरथ रंगशालामा मंगलबार सुरु हुने थ्री नेसन्स कप मैत्रीपूर्ण अन्तर्राष्ट्रिय फुटबलमा नेपालले उच्च प्रदर्शनसँगै उपाधि जित्ने लक्ष्य राखेको छ । राष्ट्रिय टोलीका कार्यवाहक प्रशिक्षक बालगोपाल महर्जन र उपकप्तान रोहित चन्दले पत्रकार सम्मेलनमा टोलीको तयारी र लक्ष्यबारे जानकारी दिएका थिए । यस प्रतियोगितामा नेपाली टोलीको कप्तानी पहिलो रोजाईका गोलकिपर किरण चेम्जोङले गर्ने भएका […]
काठमाडौं (हाम्रो खेलकुद)– दशरथ रंगशालामा मंगलबार सुरु हुने थ्री नेसन्स कप मैत्रीपूर्ण अन्तर्राष्ट्रिय फुटबलमा नेपालले उच्च प्रदर्शनसँगै उपाधि जित्ने लक्ष्य राखेको छ । राष्ट्रिय टोलीका कार्यवाहक प्रशिक्षक बालगोपाल महर्जन र उपकप्तान रोहित चन्दले पत्रकार सम्मेलनमा टोलीको तयारी र लक्ष्यबारे जानकारी दिएका थिए ।
यस प्रतियोगितामा नेपाली टोलीको कप्तानी पहिलो रोजाईका गोलकिपर किरण चेम्जोङले गर्ने भएका छन् । नियमित कप्तान विराज महर्जन बन्द प्रशिक्षणमा रहेपनि टोलीको अन्तिम छनोट हुन बाँकी रहेकोले टोलीको कप्तानका रुपमा किरण रहने टोलीका मुख्य प्रशिक्षक बालगोपाल महर्जनले सोमबार आयोजित प्रि म्याच कम्फ्रेन्समा बताएका छन् ।
प्रतियोगिता सुरु हुन एक दिन बाँकी रहँदा पनि टोलीको अन्तिम छनोट भने भइसकेको छैन । लामो समय पछि नियमित कप्तान विराज बन्द प्रशिक्षणमा रहेपनि अन्तिम छनोटमा पर्ने नपर्ने एकिन छैन । त्यसैले नेपाली टोलीले किरणको अनुपस्थितिमा उप कप्तान रोहित चन्दलाई पत्रकार सम्मेलनमा प्रस्तुत गरेको थियो । आई लिग टोली राउन्ड ग्लास पञ्जाबबाट व्यवसायिक फुटबल खेल्दै आएका किरण सोमबार स्वदेश आइपुग्ने प्रशिक्षक महर्जनले जानकारी दिए ।
कोभिडका कारण अष्ट्रेलियाविरुद्ध दशरथ रंगशालामा हुने विश्व कप छनोट स्थगित भएपछि नेपालले थ्री नेसन्स कप आयोजना गर्न लागेको हो । थ्री नेसन्स कपमा नेपालसहित बंगलादेशको राष्ट्रिय टोली र कीर्गितस्तानको यू २३ टोलीले प्रतिस्पर्धा गर्नेछन् ।
मुख्य प्रशिक्षक महर्जनले उत्कृष्ट प्रदर्शनका लागि प्रयास गर्ने बताएका छन् । उत्कृष्ट प्रदर्शन गर्न सकेमा नतिजा त्यहि अनुसार आउनु विश्वास व्यक्त गरे । ‘अहिले एक दुई जना बाहेक सबै खेलाडी फिट छन्’, उनले भने,‘जित्छौं भन्नु भन्दा पनि हामी राम्रो प्रदर्शनका लागि प्रयास गर्नेछौं । राम्रो प्रदर्शन हुन सके नतिजा त्यहि अनुसार आउँछ ।’
मंगलबार उद्घाटन खेल बंगलादेश र कीर्गिस्तान यू २३ बीच हुनेछ । त्यो खेल हेरेपछि टोलीको रणनीति बनाइने महर्जनले प्रष्ट पारे । ‘विश्व कप छनोटका लागि हामी लामो समय देखि तयारीमा थियौं,’ बंगलादेशसँग झन्डै पाँच महिना अघि भएको दुई मैत्रीपूर्ण खेललाई स्मरण गर्दै उनले भने,‘ त्यति बेला तयारी राम्रो थिएन । टोलीका मुख्य ८ खेलाडी थिएनन् ।’
बंगलादेशमा भएको त्यति बेलाको दुई मैत्रीपूर्ण खेलमा नेपाल एउटामा पराजित भएको थियो भने अर्को खेल बराबरीमा टुंगिएको थियो । लामो समयपछि घरेलु मैदानमा अन्तर्राष्ट्रिय खेल खेल्नका लागि टोली उत्साहित रहेको सुनाए । ‘विश्व कप छनोट यहाँ नहुने भएपछि यो प्रतियोगिता राख्दा खेलाडीमा उत्साह छ,’ उनले भने,‘ घरेलु मैदानमा अन्तर्राष्ट्रिय खेल खेल्न पाउँदा हामी सबै खुसी छौं । राम्रो गर्न प्रयास गर्नेछौं ।
टोलीका उपकप्तान रोहित चन्दले टोलीको तयारी राम्रो रहेको र लामो समयपछि घरेलु दर्शकको माझ खेल्न उत्साहित रहेको बताए । ‘हामी लामो समयपछि घरेलु मैदानमा खेल्दैछौं । टोली लामो समयदेखि सँगै रहेर तयार गरिरहेकोले राम्रो भएको छ । केहि चोटको समस्या छ तर समग्रमा तयारी राम्रो मान्नुपर्छ । बंगलादेश र किर्गिस्तान राम्रो टोली हुन्,’ उनले भने ।
टोलीमा चोटको केहि समस्या रहेकाले रोहित कुन पोजिसनमा खेल्ने पक्का भइसकेको छैन । उनले आफू जुनसुकै पोजिसनमा खेल्न तयार रहेको बताए । ‘मलाई दिएको जुनसुकै जिम्मेवारी निभाउन म तयार छु । प्रशिक्षकले दिएको जिम्मेवारी निभाउन म तयार छु । चाहे मिडफिल्ड होस् या डिफेन्स मलाई जहाँ खेल्न पनि समस्या छैन,’ उनले थपे ।
बंगलादेशका मुख्य प्रशिक्षक जेमी डेले नेपालसँग पछिल्लो समय लगातार खेलेपनि यसपटक नेपाली टोली थप बलियो रहेको बताए । ‘नेपाली टोली हामीले पछिल्लो समय खेलेभन्दा बलियो छ । हामीले यसपटक ६ नयाँ खेलाडी टोलीमा ल्याएका छौं । सबैलाई अवसर दिने हाम्रो लक्ष्य हो । उपाधि भन्दा पनि राम्रो प्रदर्शन र अनुभव बटुल्ने हाम्रो योजना छ,’ उनले भने ।
किर्गिस्तानका प्रशिक्षक झोल्डोशोभ नुर्बेकले दुवै विपक्षीबारे राम्रो अध्ययन गरेको बताए । ‘हामीले दुवै टोलीका पछिल्ला खेल हेरेका छौं । हाम्रो स्थानीय लिग सुरु भएकाले खासै राम्रो तयारी भएको छैन । पहिलो खेलपछि हाम्रो खेल कस्तो हुन्छ भन्ने यकिन हुन्छ,’ उनले भने ।
नेपालले पहिलो खेल चैत १२ गते कीर्तिस्तान टोलीसँग खेल्नेछ । नेपालले अर्को खेल चैत १४ मा बंगलादेशविरुद्ध खेल्नेछ । राउन्ड रोबिन लिगपछि शीर्ष २ टोलीले चैत १६ गते फाइनल खेल्नेछन् । एन्फाले प्रतियोगिताका लागि भिआइपीतर्फ १ हजार ५ सय र साधारण प्यारापिटतर्फ ७ सय टिकटदर तोकेको छ । विजेता टोलीले ५ हजार र दोस्रो टोलीले ३ हजार अमेरिकी डलर प्राप्त गर्नेछ ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]