विराटनगर (हाम्रो खेलकुद) – पोखरामा गत साता सम्पन्न आहा–रारा गोल्डकपका विजेता संकटा क्बल विराटनगरमा जारी छैठौं विराट गोल्डकपको सेमिफाइनलमा प्रवेश गरेको छ । सहिद मैदानमा मंगलबार भएको अन्तिम क्वाटरफाइनल खेलमा क्यामरुनको अफ्रिकन रुट्स एसोसिएसन (एआरए) लाई १–० गोलले हराउँदै संकटा सेमिफाइनलमा पुगेको हो । शनिबार एआरएलाई नै टाइब्रेकरमा हराउँदै संकटा पहिलो पटक आहा रारा गोल्ड कप च्याम्पियन बनेको थियो ।

संकटाले बिहीबार दोस्रो सेमिफाइनल खेलमा भारतको पंजाब पुलिस क्लबसँग प्रतिस्पर्धा गर्नेछ । पंजाबले सहिद स्मारक ‘ए’ डिभिजन लिग बिजेता मछिन्द्रलाई २– ० गोल र गोरखा ब्वाइज क्लब रुपेन्देहीलाई टाईब्रेकरमा ४–२ गोलले हराउँदै सेमिफाइनमा पुगेको हो । फाइनल यात्राको लागि विभागिय टिम सशस्त्र प्रहरी (एपीएफ) काठमाण्डौ र घरेलु टिम विराटनगर ११ बिच बुधबार प्रतिस्पर्धा हुनेछ ।

विराटनगरले पश्चिम बंगालको युनाइटेड फुटबल क्बललाई ३–० ले र भारतको युनिाइटेड सिकिम फुटबल क्लबलाई २–१ गोलले पराजित गर्दै सेमिफाइनलमा प्रवेश गरको हो भने एपीएफले चिरप्रतिद्धोन्द्धी विभागीय टोली नेपाल पुलिस क्लबलाई २– ० गोलले हराउँदै सेमिफाइनलको यात्रा सुरक्षित गरेको छ ।

अन्तिम क्वाटरफाइनल खेलमा दुवै टिम आक्रमक देखिएपछि पहिलो हाफसम्म दुवै टिमको गोल रहित बराबारी खेले । विराट गोल्डकपको पूर्व विजेता संकटाले खेलको ६१ औं मिनेटमा गणेश हमालले गरेको गोल टिमको जितका लागि निर्णायक बन्यो । संकटाका विदेशी खेलाडी ओडी गोल्रीले निकालिएको पास गणेशले हेडमार्फत जाली चुमाए ।

पहिलो गोल खाएपछि दबाबमा परेको एआरएले खेल बराबारीमा ल्याउन निकै संघर्ष ग¥यो । तर सफल हुन सकेन । एआरएले केही उत्कृष्ट अवसर सिर्जना गरे पनि गोलमा परिणत हुन सकेन । खेलको १३ औं मिनेटमा क्यामरुनका खेलाडी बासेकले पेलान्टी एरियादेखि गरेको प्रहार संकटाका गोलकिपर राजाबाबु थापाले उत्कृष्ट बचाउ गरिदिए ।

संकटाका विष्णु सुनवारले खेलको २६ औं मिनेटमा डिबक्स भित्रदेखि गरेको प्रहार एआरएका गोलरक्षक डिए स्यालबियोे बाधक बने । ३९ औं मिनेटमा संकटाका ओडे ग्लोरीले गरेको सशत्त प्रहार बाहिरिदा गोल हुन सकेन । खेलको ४५ औं मिनेटमा एआरएका बसेकले ३० यार्डदेखि गरेको प्रहार बाहिरियो ।

दोस्रोे हाफपछि आक्रमक भएको एआरएले खेल बराबरीमा ल्यान आक्रामक खेल खेलेपनि सफल हुन सकेन । खेलको ५८ औं मिनेटमा एआरएका माफोमाले गरेको कडा प्रहार राजुबावले बिफल पारिदिए । खेलको ८९ औं मिनेटमा एआरएका फ्बराईसले पेलान्टी बक्सबाटे प्रहार बाहिरिदा पाहुना टोली बाहिर बाध्य भयो ।

खेलको म्यान अफ द म्याच संकटाका गोलरक्षक राजाबाबु थापा घोषित भए । उनले १० हजार रुपैयाँ प्राप्त गरेको छ । जितपछि संकटाका प्रशिक्षक सल्यान खड्गीले खेलाडीहरूले उत्कृष्ट प्रर्दशन गर्दा जित हासिल भएको बताए । एआरएका प्रशिक्षक सरजेल बोरीसले केही राम्रो खेलाडी पोखरामा छुटदा हार भएको बताए ।