पोर्चुगलसङ युरो २०१६ जिते देखी लयमा फर्कन संघर्ष गरिरहेक क्रीस्टियानो रोनाल्डोको यो रियल मड्रीड आएयताको ला लिगामा सबै भन्दा खराब सुरुवात हो ।
मड्रीडले ९ खेलपछी २१ अंक सहित तालिकामा कब्जा जमाएपनी युरो कपमा चोट बोकेर सुरुका केहि खेल गुमाएका रोनाल्डोले भने ६ खेल खेलिसक्दा २ गोल मात्र गर्न सफल भएका छन ।
च्याम्पियन्स लिगमा २ गोल गरेका रोनाल्डोले यो सिजन मड्रीडसङ ४ गोल गरेपनि, ला लिगामा तथ्याङ्क अनुसार यो उनको अहिलेसम्मको सबै भन्दा खराब प्रदर्शन हो । अघिल्लो दुइ सिजन हेर्ने हो भने पहिलो ६ खेलमा रोनाल्डोले २०१४-२०१५ मा १३ गोल गरी सकेका थिए भने अघिल्लो सिजन ५ गोल गरेका थिए ।
यो सिजन मेस्सी ७ गोल सहित सर्बाधिक गोल गर्ने खेलाडिको सुचिमा पहिलो स्थानमा छन भने बार्सिलोनाको लुइस स्वारेज ६ गोल गर्दै दोस्रो छन । त्यस्तै रोनाल्डो भने २ गोल गर्दै जेराड पिके र सर्जियो रामोस सङ बराबर ३४ स्थानमा छन ।
