एजेन्सी – बार्सिलोना छाडेर नेयमार पेरिस सेन्ट जर्मेन (पिएसजी) पुगेको झन्डै ५ वर्ष हुन लागिसकेको छ । तर, पनि उनको नाम बार्सिलोनासँग जोडेर आउने क्रम भने रोकिएको छैन । सुरुको केहि समय नेयमार आफै पनि पिएसजीमा खुसी नरहेको बताइन्छ । उनी आफै बार्सिलोना फर्कन चाहेको समाचार सार्वजनिक हुने गरेका थिए ।

कोभिड १९ का कारण त्यो प्रसंग विस्तारै सेलाउँदै गएपनि पूरा अन्त्य भने भएको छैन । बार्सिलोनाले पनि उनलाई फर्काउने सपना अझै देख्न छाडेको छैन । टोलीका सुपर स्टार लियोनल मेस्सीसँग पुनः सँगै खेल्नका लागि भने भएपनि बाज्रिलियन स्टार फर्कनेमा बार्सिलोना आशावादी रहेको छ । यद्दपी बार्सिलोनाको त्यो सपना पूरा हुन दिनका लागि पिएसजी मान्नेवाला भने देखिदैन ।

यद्दपी नेयमारले मेस्सीसँग फेरि खेल्ने चाहना रहेको बारम्बार बताउँदै आएका छन् । त्यस कारण पनि बार्सिलोनाका नवनिर्वाचित अध्यक्ष जोन लापोर्टाले त्यो सम्भव गरेर देखाउने आशा राखिएको छ । तर, पिएसजीले भने नेयमार विक्रीमा नरहेको प्रष्ट पारेको छ । पिएसजी आफै नेयमारसँगको सम्झौता लम्बाउने चाहन्छ । उनीसँगको सम्झौता सन् २०२२ को समरमा सकिदैछ । त्यसका वावजुद पनि बार्सिलानाले हार मानेको छैन ।

यदि पिएसजी र नेयमारबीच नयाँ सम्झौता नभएको खण्डमा फेरि ल्याउन सकिन्छ भन्ने आशा बार्सिलोनाले कायम नै राखेको छ ।
नेयमार पारिश्रमिक कटौंती गरेपनि बार्सिलोनाका लागि तयार हुन सक्ने समाचार पनि यसअघि सार्वजनिक भएको थियो । तर, त्यसका लागि पिएसजीले नेयमारलाई विक्री गर्ने प्रस्ताव सुन्नै चाहेको छैन ।