एजेन्सी – रियल म्याड्रिडका ब्राजिलियन विङ्गर भिनिसियस जुनियरले जारी सिजन अर्को स्तरमा प्रदर्शन गरेको विश्वास गरिएको छ । रियलले शनिबार ला लिगामा भिल्लारियलाविरुद्ध खेल्दै सिजनको अन्त्य गर्दैछ ।

टोलीमा दिएको जिम्मेवारी भन्दा पनि बढी भूमिका निर्वाह गर्दै भिनिसियसले आफ्नो क्षमता प्रस्तुत गरेका छन् । आज हुने खेलमा सहभागी भएपनि उनले जिनेदिन जिदानको प्रशिक्षणमा यो सिजन ५२ मध्ये ४९ खेल खेल्नेछन् । त्यसको मतलब उनले टोलीको ९४ प्रतिशत खेल खेल्नेछन् । गोलकिपर थिबाउट कोर्टुवाले मात्र उनले भन्दा बढी खेल खेलेका छन् । आज हुने खेल समेत उनले ५२ मा ५१ खेल खेल्नेछन् ।

जिदानले दिएको जिम्मेवारी भन्दा पनि २० वर्षे भिनिसियस बढी योगदान टोलीका लागि गरेका छन् । जसले उनीमाथि विगतमा भन्दा बढी विश्वास गरेका छन् । यसअघि उनले अहिलेको जस्तो मौका पाएका थिएनन् ।

करिअरको अर्को कदम

यो सिजन भिनिसियसलाई चोटले धेरै दुःख दिएन । ग्यास्ट्रिकका कारण एक खेल गुमाएका उनले अन्य खेलाडीलाई मौका दिने क्रममा २ खेल खेलेनन् । त्यसबाहेकका सबै खेलमा उनले मौका पाए । मुख्यतः इडन हाजार्डले चोटका कारण अर्को सिजनका अधिकांश खेल गुमाउँदा भिनिसियसले बढी अवसर पाए ।

भिनिसियसले ६ गोल गर्नुका साथै सात एसिस्ट गरे । टोलीका भेट्रान स्टार करिम बेन्जेमापछि टोलीका लागि बढी आक्रमण गर्नेमा उनै अगाडी छन् । गत सिजनको अन्त्यमा भिनिसियस लोनमा जान सक्ने चर्चा थियो । तर अहिले परिस्थिति बदलिएको छ । आउने सिजनमा रियलको महत्व अझै बढेर जाने सम्भावना छ ।

रियलको भविष्य

जारी सिजनको उनको प्रदर्शनले अनुमान गर्न सकिन्छ भिनिसियसको भूमिका रियलमा यो सिजन जस्तै हुनेछ । उनी आफैंले पनि त्यो महसुस गरेका छन् । विगतमा भन्दा बढी भूमिका पाएको उनी खुसी छन् ।

‘मैले रियलबाट सय भन्दा बढी खेल खेलिसकेको छ । मलाई लाग्छ २० वर्षको उमेरमा यो धेरै हो,’ गत महिना उनले भनेका थिए,’ रियलमा म धेरै उपाधि जित्न चाहान्छु । समर्थकहरुलाई खुसी पार्न र बढी भन्दा बढी गोल गर्न प्रयास गर्नेछु ।’