एजेन्सी – सुपरस्टार क्रिस्टियानो रोनाल्डोले युभेन्ट्स छाड्ने संकेत गरेका छन् । सामाजिक संजालमा लामो स्टाटस लेख्दै रोनाल्डोले आफ्नो योजना अनुसार इटालीमा सफलता प्राप्त गरेको दाबी गरेका छन् ।

रोनाल्डोको युभेन्ट्ससँगको सम्झौता सन् २०२२ सम्म रहेको छ । तर उनी युभेन्ट्स छाडेर ठूला युरोपियन क्लब रियल म्याड्रिड, पेरिस सेन्ट जर्मेन र म्यानचेष्टर युनाइटेडमध्ये एक क्लब जान सक्ने चर्चा सुरु भएको छ । रोनाल्डोको पछिल्लो सन्देशलाई पनि युभेन्ट्स छाड्ने संकेतका रुपमा हेरिएको छ ।

‘शीर्ष खेलाडीको जीवन र खेल जीवनमा उतरचढाव हुन्छ ,’ रोनाल्डोले लेखेका छन्, ‘वर्षेदेखि हामीले उत्कृष्ट टोलीको सामना गरेका छौं, असाधारण खेलाडीसँग खेलेका छौ र महत्वकांक्षी गोल गरेका छौं । हामीले जहिले पनि आफ्नो तर्फबाट माथिल्लो स्तरमा खेल्ने प्रयास गरेका छौं ।’

रोनाल्डोले यो वर्ष सिरिए जित्न नसकेको विषयमा उल्लेख गरेका छन् । ‘यो वर्ष हामीले सिरिए जित्न सकेनौ । इन्टरलाई सिरिए का लागि बधाई छ । इन्टर उपाधिका लागि हकदार थियो । समूहगत र व्यक्तिगत रुपमा हामीले यो सिजन युभेन्ट्सका लागि जति सफलता प्राप्त गर्यौं त्यसको महत्व छ,’ उनले भनेका छन् ।

‘हामीले पछिल्लो दुई वर्षमा इटालियन सुपर कप, इटालियन कप र सिरिए जित्यौं । त्यसमा मैले उच्च गोलकर्ता जित्न सफल भएँ । यस्तो कठिन अवस्थामा पनि हामीले सफलता प्राप्त गर्यौं , जहाँकी यो देशमा जित्न सहज छैन ।’

रोनाल्डोले व्यक्तिगत उपलब्धीका बारेमा पनि उल्लेख गरेका छन् । ‘यो सबै उपाब्धिमा मैले आफ्नो लक्ष्य प्राप्त गरेको छु । मैले इटाली आएको पहिलो दिनबाट आफ्नो लक्ष्य प्रष्ट गरेको थिए,’ उनले लेखेका छन्, ‘लिग च्याम्पियसिप, लिग कप र सुपर कप उपाधिसँगै उत्कृष्ट खेलाडी र सर्वाधिक गोलकर्ताको अवार्ड जितें । फुटबल लोकप्रिय भएको यो देशमा उत्कृष्ट खेलाडी, महान क्लब र यहाँको फुटबल संस्कार भएको ठाँउमा सफलता प्राप्त गरें ।’

रोनाल्डोले आफू कीर्तिमान पछ्याउने नभई कीर्तिमानले आफूलाई पछ्याउने दोहोर्याएका छन् । ‘जसले मेरो भावना बुझ्दैन उनीहरुलाई भन्न चाहन्छु । फुटबल भनेको सामूहिक खेल हो । तर त्यो व्यक्तिको सहयोगमै टोलीले उपलब्धी हासिल गर्छ,’ उनले थपेका छन्, ‘मैदानमा बढी भन्दा बढी त्यसका लागि प्रयास गरिन्छ । कीर्तिमान पनि उपाधिसँगै जोडिएर आउँछ । त्यसले केहि संयोग पनि बन्छ ।’

रोनाल्डोले आफ्नो तथ्याङ्कमा गर्व महसुस गरेको पनि उल्लेख गरेका छन् । ‘इङ्ल्यान्ड, स्पेन र स्पेनमा च्याम्पियन बने । तीनै देशमा कप , सुपर कप जिते, ती सबैमा उत्कृष्ट खेलाडी र सर्वाधिक गोलकर्ता बने । सबै देशको क्लबका १ सय भन्दा बढी गोल गरे,’ उनले भनेका छन्, ‘हरेक देशमा खेल्दा एउटा कोसेढुंगा पूरा गर्दा खुसी लाग्छ । जसले मैल ती क्लबका समर्थकलाई खुसी पारेको छु । म अन्तिम दिन सम्म पनि यस्तै प्रयास गर्नेछु ।’ उनले आफ्नो यात्राका सहकर्मीलाई धन्यवाद दिदै सबै सँगै उभिने पनि बताएका छन् ।