एजेन्सी – पेरिस सेन्ट जर्मेन (पिएसजी) का स्टार नेयमारसँगको सम्झौता भंग गरिएको विषयमा नाइकले आफ्नो भनाई सार्वजनिक गरेको छ ।

यौ न दुर्व्यवहारको आरोप लागेका कारण अमेरिकी कम्पनी नाइकले सम्झौता तोड्न परेको प्रष्ट पारेको छ । यद्दपी नेयमारले भने आरोप अस्वीकार गर्दै आएका छन् । नेयमारले छानविनमा पनि राम्रोसँग सहकार्य गर्न आनाकानी गरेपछि नाइकले सम्झौता रद्द गरेको थियो ।

‘नाइकले खेलाडीसँगको सम्झौता अन्त्य गरेको छ । किनकी उनले आफूमाथि लागेको आरोपमा भएको छानविनमा सहयोग गर्न अस्वीकार गर्दै आएका छन्’, नाइकले विज्ञप्तीमा भनेको छ । प्रायोजन सम्बन्धी सम्झौता सन् २०२० को अगष्टमै भंग भएपनि नाइकले त्यति बेला थप जानकारी दिन चाहेको थिएन । वाल स्ट्रिट जर्नलमा बिहीबार प्रकाशित समाचार प्रकाशितमा छानविन भएरहेको विषयमा सार्वजनिक गरेको छ ।

छानविनमा असर नपरोस भन्नका लागि विगतमा यो विषयमा केहि नबोलेको नाइकेले जनाएको छ । ‘यस विषयमा बोल्नका लागि हामीसँग केहि प्रमाण छैन । कुनै प्रमाण नभएकाले हामीले आरोप सहि भन्ने स्थिति पनि छैन,’ उनले प्रष्ट पारे ।

नेयमारका प्रवक्ताले भने आरोपको खण्डन गरेका छन् । ‘आधारहिन आरोपको विरुद्ध नेयमार अडिग भएर भिड्नेछन् । आरोप लागे केहि भएकै छैन’, नेयमारका प्रवक्तालाई उदृत गर्दै वाल स्ट्रिटले लेखेको छ ।