एजेन्सी – रियल म्याड्रिडले लामो समयदेखि फ्रान्सेली तथा पेरिस सेन्ट जर्मेन (पिएसजी) का युवा स्टार केलियन एमबाप्पेलाई पछ्याइरहेको छ । २२ वर्षे एमबाप्पेलाई रियलले सन् २०१४ मा नै क्लबमा भित्राउन चाहेको थियो ।

त्यति बेला उनले रियलको मैदान लगायत प्रशिक्षण सुविधा निरिक्षण गर्नुका साथै उनका आदर्श खेलाडी क्रिस्टियानो रोनाल्डो र जिनेदिन जिदानलाई भेट्ने अवसर पाएका थिए । तर, त्यति बेला उनी फ्रान्स बाहिर जान तयार भएनन् ।

‘मेरो आमाबुवा मैले फ्रान्समै खेल जीवन अघि बढाओस् भन्ने चाहानुहुन्थ्यो । किनकी मैले अध्ययन पनि गर्नु थियो,’ उनले भने, ‘फुटबल खेल्नुका साथै अध्ययनलाई निरन्तरता दिन आफ्नै देश बसे । जिदानको प्रशिक्षणमा खेल्न पाउनु एक ठाँउमा थियो तर स्पेन भनेको अर्को देश र अर्को संस्कृती भएको देश हो ।’

एमबाप्पे आफ्नो भविष्यका बारेमा खुलेर प्रस्तुत भएनन् । पिएसजीसँग उनको सम्झौता २०२२ सम्म रहेको छ । उनी रियल जान सक्ने चर्चा अहिले पनि चलिरहेको छ । प्रष्टसँग नभनेपनि उनले केहि संकेत भने गरेका छन् ।

‘म जहिले पनि चुनौती स्वीकार गर्दछु । किनकी फुटबलमा आराम नर्गे सुविधा छैन,’ उनले भने, ‘मैदानमा म जहिले उत्साहित हुन्छु । त्यसले मलाई उर्जा दिन्छ । अर्को नजरबाट फुटबललाई बुझ्ने उर्जा मसँग छ ।’

मोनाकोबाट सानै समूह एमबाप्पे स्टार बनिसकेका थिए । उनले त्यो समयको पनि स्मरण गरे । ‘त्यति बेलाको ख्याती सम्हाल्न मलाई कठिन थियो । किन कि म निकै युवा थिए । त्यति बेला १८/१९ वर्षको थिए । त्यहि उमेरको काम गर्न रमाइलो लाग्थ्यो । तर मैदानमा भने परिपक्कवता चाहिन्छ,’ उनले थपे ।

‘यदि कोहि पनि माथि पुग्न चाहन्छ भने त्यहाँ गैर व्यवासायिकताका लागि ठाँउ हुन्न । त्यो परिपक्वहरुको दुनिया हो र आफूलाई त्यसरी नै तयार पार्नु पर्दछ ।’