एजेन्सी – युरोपेली च्याम्पियनसिपमा आज राति समूह चरणका विभिन्न चार खेलमा प्रतिस्पर्धा हुँदैछ । आज राति समूह ‘सी’ र समूह ‘बी’ मा अन्तिम चरणका खेलहरु हुनेछ ।

समूह ‘बी’ मा रसिया र डेनमार्क तथा फिनल्यान्ड र बेल्जियमबीचको खेल नेपाली समयअनुसार एकै समयमा राति १२:४५ बजे हुनेछ । कोपेनहेगनमा हुने खेलमा घरेलु टोलीलाई जितले मात्र अघिल्लो चरण पुग्न पर्याप्त हुनेछैन । डेनमार्कलाई दोस्रो स्थान हासिल गर्न रसियालाई पराजित गरेर बेल्जियमले फिनल्यान्डलाई हराउनुपर्नेछ । यसमा पनि ३ अंक जोड्ने तीन टोलीको गोलअन्तरले समीकरणमा फरक पर्नेछ ।

दुवै खेलको गोलअन्तरले पनि महत्वपूर्ण भूमिका खेल्नेछ । ‘गर या मर’ को अवस्थामा रहेको डेनमार्क जितको लक्ष्यमा मैदान उत्रनेछ । टोलीसँग मार्टिन ब्रेथवेट, युस्सुफ पाउल्सेन, थोमस डिलाने, सिमोन काइसर, आन्द्रेस क्रिस्टिएन्सन र गोलरक्षक कास्पर स्माइकेल रहेका छन् ।

यता, रसिया घरेलु टोली डेनमार्कलाई हराउँदै अन्तिम १६ मा पुग्नेछ । यदि बराबर भएको खण्डमा भने बेल्जियमले फिनल्यान्डबाट अंक खोस्नुपर्नेछ । टोलीसँग अर्टिन ज्युवा एलेक्सान्डर गोलोभिन, एलेक्सी मिरानचुक, माट्भे साफोनोभ, रोमन जोब्निन र डालेर कुर्जाएभ रहेका छन् ।

यि दुई टोलीको पछिल्लो एक खेलको नतिजामा रसिया २–० ले विजयी भएको छ । यि दुई टोलीले २०१२ मा प्रतिस्पर्धा गरेका थिए ।