एजेन्सी – रियल म्याड्रिडका प्रशिक्षक कार्लो एन्सेलोटीले जुलाई ५ बाट टोलीको प्रि सिजन सुरु गर्ने भएका छन् । तर त्यो बेलामा उनका धेरै खेलाडी भने टोलीमा हुने छैनन् । उपलब्ध केहि खेलाडीलाई लिएर उनले प्रशिक्षण सुरु गर्नेछन् ।

अन्तर्राष्ट्रिय प्रतियोगिता र ओलम्पिकका कारण रियलका पहिलो रोजाईका धेरै खेलाडी त्यसमै व्यस्त रहेका छन् । त्यसैले पनि उनको प्रशिक्षण सुरु हुँदा टोलीका थोरै खेलाडीमात्रै साथमा रहनेछन् । रियलका ८ खेलाडी युरो कपमा, ५ खेलाडी कोपा अमेरिकामा व्यस्त छन् ।

यस्तै ५ खेलाडी जापानमा आयोजना हुने टोकियो ओलम्पिकका लागि स्पेनिस टोलीको प्रारम्भिक सुचीमा छन् । प्रारम्भिक सुचीमा रहनेमा मार्को एसेन्सियो, डानि सेबालोस, ब्राहिम डियाज, जेसस भालेहो र बोर्जा मायोराल छन् । बोर्जा भने अर्को एक सिजन लोनमा रोमामै रहने भएका छन् । त्यस्तै टाके कुबो पनि जापानका लागि ओलम्पिक टोलीमा रहेका छन् ।

युरो कप र कोपा अमेरिकामा सहभागी रहेका करिम बेन्जेमा, राफल भारेन, थिबाओट कोर्टुवा, इडन हाजार्ड, टोनी क्रुस, लुका मोड्रिच, ग्यारेथ बेल, डेभिड अल्बा, कासिमेरो , इडेर मिलिटो, भिनिसियस जुनियर र फेडे भाल्भार्डेलाई प्रतियोगिता सकिएको २० देखि २५ दिन बिदा दिने सम्भावना रहेको छ ।

कोपा र युरो दुवै जुलाई ११ मा सम्पन्न हुनेछन् । फाइनल पुग्ने टोलीका खेलाडीले अगष्टको पहिलो सातामा मात्रै टोलीमा आबद्ध हुनेछन् । सर्जियो रामोसले मात्र अहिले सम्म यो सिजनका लागि टोली छाडेका छन् ।