काठमाडौं (हाम्रो खेलकुद)– सहिद स्मारक ए डिभिजन टोली सातदोबाटो युथ क्लब को अध्यक्षमा कपिल रानामगरले निरन्तरता पाएका छन् । क्लबको शनिबार भएको आठौं वार्षिक साधारण सभाले रानामगरको अध्यक्षतामा १७ सदस्य कार्यसमितिको चयन गरेको छ ।

क्लबको प्रथम उपाध्यक्षमा श्याम महर्जन, द्वितिय उपाध्यक्ष विनोद राई, महासचिव सुनिल विष्ट, कोषाध्यक्ष राजेश मानन्धर, सचिव रविन खड्का, सह सचिव सह सचिव चुनिएका छन् । क्लबका महासचिव विष्टका अनुसार सदस्यमा सिता श्रेष्ठ, शुम्भु लामा, सुगतरत्न शाक्य, पारस महर्जन, प्रकाश मानन्धर, गोपीकृष्ण नकर्मी, अजय आचार्य, जमुना महर्जन र किशोर महर्जन निर्वाचित भएका छन् । कार्यसमितिको अवधि ३ वर्षको रहनेछ ।

गत फागुनमा मात्रै ए डिभिजनमा बढुवा भएको सातदोबाटोले असोज ३ गते सुरु हुने तय भएको लिगका लागि पहिलो खेलाडीका रुपमा नाइजेरियन डिफेन्डर पिटर सेगुनलाई अनुबन्धन गरेको थियो । क्लबले साउनको पहिलो साताबाट प्रशिक्षण सुरु गर्ने जनाएको छ ।
२०५७ सालमा स्थापना भएको सातदोबाटो छनोट पार गरेर २०५९ सालमा ए डिभिजन लिगमा पुगेको थियो ।

२०६८ सालदेखि ‘बी’ डिभिजन लिग खेल्न थालेको टोली यसअघि दुई पटक ए डिभिजन लिगको नजिक पुगेर पनि असफल भएको थियो । दुई सिजनअघि निर्णायक खेलमा एनआरटीविरुद्ध जित निकाल्न नसकेपछि सातदोबाटो ‘ए’ डिभिजनमा पुग्नबाट बञ्चित भएको छ । पछिल्लो पटक बढुवा भएको एक वर्ष नै नपुग्दै सातदोबाटो ए डिभिजनको तयारीमा जुटेको छ ।