एजेन्सी – फुटबलको नयाँ सिजन सुरु हुन अब केहि दिन मात्र बाँकी रहेको छ । कोपा अमेरिकाको फाइनल पछि अर्जेन्टिनाका लिओनल मेस्सी र ब्राजिलियन नेयमार विदामा छन् । आयोजक ब्राजिललाई १–० ले हराउँदै अर्जेन्टिनाले कोपा अमेरिका जितेको थियो ।

मेस्सीको कप्तानीमा पहिलो पटक अर्जेन्टिनाले पहिलो पटक उपाधि जितेको हो । प्रतियोगितामा मेस्सी सर्वाधिक गोलकर्ता बने । मेस्सी र नेयमार संयुक्तरुपमा कोपाको सर्वोत्कृष्ट खेलाडी बनेका थिए । मेस्सी र नेयमार आफ्नो विदा सकेर आफ फुटबलमा फर्कने तयारीमा छन् । तर यी बेलामा फरक कारणले यी दुई खेलाडी चर्चामा छन् ।

बार्सिलोनाका समर्थक मेस्सीले सम्झौता नविकरण गर्दै नयाँ सिजनको सुरुवात गर्नेछन् भन्ने अपेक्षा राखेका छन् । जुनमा क्लबसँगको उनको सम्झौता टुंगिएको थियो । तर, नयाँ सम्झौता भने अझै हुने बाँकी छ । विदाका क्रममा पनि मेस्सी भने शारीरिक रुपमा फिट देखिएका छन् । उनले सामाजिक सञ्जालमा परिवारका साथ सर्वजनिक गरेको फोटो, भिडियोमा उनी पहिला जस्तै फिट देखिएका छन् ।

त्यहि समयमा नेयमार भने इबिजामा रहेका छन् । उनको अवस्था भने सामान्य खेलाडी भन्दा केहि फरक देखिएको छ । पेरिस सेन्ट जर्मेनका स्टारको पेट पहिला भन्दा अलि बढे जस्तो देखिएको छ । समर्थकले उनको र मेस्सीको अहिलेको शारीरिक अवस्थाका बारेमा तुलना गर्न थालेका छन् ।