एजेन्सी – इंग्लिस प्रिमियर लिगमा आज राति आर्सनलले घरेलु मैदान इमिरेट्स स्टेडियममा चेल्सीको सामना गर्दैछ । लन्डन डर्बी नेपाली समयअनुसार राति ९:१५ बजे हुनेछ ।

पहिलो खेलमा नव प्रवेशी ब्रेन्टफर्डसँग २–० को हार बेहोरेको आर्सनल उक्त खेलमा भएको कमजोरी सुधार गर्दै पहिलो जितको खोजीमा हुनेछ । आर्सनलसँग गाब्रियल मार्टिनेली, इमिल स्मिथ रोवी, निकोलस पेपे, बुकायो साका, ग्रानिट झाँका, अल्बर्ट साम्वी लोकांगा, हेक्टर बर्लिन, पाब्लो मारी, बेन ह्वाइट र गोलरक्षक बन्ड लेनो रहेका छन् ।

यता, चेल्सी पनि आर्सनललाई हराउँदै लिगमा लगातार दोस्रो जितको खोजीमा हुनेछ । टिमो वेर्नर, मासन माउन्ट, मार्काेस अलन्सो, जर्गिन्हो, एङ्गोलो कान्टे, सिसर एज्पिलिक्वेटा, एन्टेनियो रुडिगर, आन्द्रेस क्रिस्टिटेन्सेन र फर्लान्ड मेन्डी टोलीमा रहेका छन् । गत सात अनुबन्ध भएका रोमेलु लुकाकुले सुरुवातमै मौका पाउने सम्भावना छ ।

चेल्सीले पहिलो खेलमा क्रिस्टल प्यालेसमाथि ३–० को सहज जित हात पारेको थियो । यि दुई टोलीबीचको हालसम्मको ३३ खेलमा चेल्सी १४ खेलमा विजयी भएको छ । आर्सनलले १० खेल आफ्नो पक्षमा पार्दा ९ खेल बराबरीमा सकिएको छ । पछिल्लो दुई भेटमा दुवै टोलीले एक–एक जित निकालेका छन् ।

अन्य खेल

वेस्ट ह्यामविरुद्ध लेस्टर सिटी (राति १२ः४५ बजे)