3 years ago
August 29, 2021
सन् २००३ को कुरा हो, पोर्चुगलको स्पोर्टिङ सिपीमा खेलिरहेका प्रतिभावान युवा खेलाडी क्रिस्टियानो रोनाल्डोलाई किन्नका लागि युरोपियन क्लबहरुबीच तछाडमछाड नै चलेको थियो । उक्त प्रतिस्पर्धामा म्यानचेस्टर युनाइटेडले बाजीमा मारेको थियो । इंग्ल्यान्डमा ६ सिजन बिताउने क्रममा रोनाल्डोले आफूलाई प्रतिभावान युवा खेलाडीबाट विश्व फुटबलको स्टारका रुपमा स्थापित गरे । युनाइटेडको जर्सीमा खेल्दा रोनाल्डोले युनाइटेडका लागि सम्भव […]
सन् २००३ को कुरा हो, पोर्चुगलको स्पोर्टिङ सिपीमा खेलिरहेका प्रतिभावान युवा खेलाडी क्रिस्टियानो रोनाल्डोलाई किन्नका लागि युरोपियन क्लबहरुबीच तछाडमछाड नै चलेको थियो । उक्त प्रतिस्पर्धामा म्यानचेस्टर युनाइटेडले बाजीमा मारेको थियो ।
इंग्ल्यान्डमा ६ सिजन बिताउने क्रममा रोनाल्डोले आफूलाई प्रतिभावान युवा खेलाडीबाट विश्व फुटबलको स्टारका रुपमा स्थापित गरे । युनाइटेडको जर्सीमा खेल्दा रोनाल्डोले युनाइटेडका लागि सम्भव सबै उपाधि जिते । जसमा च्याम्पियन्स लिग पनि सामेल छ । रोनाल्डो आफैंले पनि २००८ मा बालोन डि ओर जिते ।
युनाइटेडमा आफ्नो लक्ष्य पूरा भएपछि उनी आफ्नो सपनाको क्लब रियल म्याड्रिड पुगे । १२ वर्षअघि रियलले विश्व कीर्तिमनी मूल्य तिरेर रोनाल्डोलाई अनुबन्ध गरेको थियो । रियल म्याड्रिडमा रोनाल्डोले बेग्लै इतिहास रचे । व्यक्तिगत रुपमा करिअरको उत्कर्षमा रहेका उनले क्लबलाई सफलता मात्र दिलाएनन् आफू ग्लोबल ब्रान्डका रुपमा नै स्थापित भए ।
रियलमा पनि सबै लक्ष्य पूरा भएपछि उनले नयाँ चुनौतीका रुपमा युभेन्टस जाने निर्णय गरे । त्यहाँ तीन सिजन बिताउने क्रममा उनी सफल रहे । तर रोनाल्डोले जुन किसिमको छवी बनाएका छन्, त्यो हेर्दा भने च्याम्पियन्स लिग जित्न नसक्दा उनको लक्ष्य पूरा नभएको मान्न सकिन्छ । उनलाई असफल भन्न त नसकिएला तर रोनाल्डो आफैंले बनाएको त्यो महत्त्वाकांक्षी लक्ष्यले उनलाई असफल भन्ने अलोचन पनि छन् ।
युभेन्ट्स बसाईं टुंग्याउने निर्णय लिने हुँदा उनलाई अनुबन्ध गर्न पेरिस सेन्ट जर्मेन (पिएसजी) र म्यानचेस्टर सिटीले पनि इच्छा देखाएका थिए । तर निकै ढिला क्लब छाड्ने निर्णय गरेका उनलाई सिटीले अनुबन्ध गर्न चाहेपनि रोनाल्डोले पुरानै क्लब युनाइटेड रोजे ।
रोनाल्डो चर्चित स्पोर्टिङ एकेडेमीका उत्पादन हुन् । उनले त्यहि क्लबबाट व्यावसायिक करिअरको सुरुवात गरे । तर युनाइटेडमा पुगेपछि उनी विश्वव्यापी रुपमा स्टार बन्न सफल भए । सम्भवतः त्यहि कारण हुन सक्छ करिअरको उत्तर्रार्द्धमा उनले आफूलाई स्थापित गराउने क्लबकै बाटो चुने ।
रोनाल्डोको पुनरागमनले इग्ल्यान्ड र युरोपियन फुटबलमा त्यसको प्रभाव पक्कै पर्नेछ । आर्थिक रुपमा युनाइटेड बलियो क्लब हो । तर पनि पछिल्ला वर्षहरुमा सिटी र पिएसजीको छायाँमा परेको छ । निरन्तर रुपमा उपाधि जित्ने छविलाई पनि युनाइटेडले पछिल्ला वर्षहरुमा कायम राख्न सकेको छैन ।
रोनाल्डोको आगमनले समर्थकमा पनि आशाको सञ्चार भएको छ । टोलीलाई उपाधि दिलाउनमा उनको भूमिका रहने अपेक्षा गरिएको छ । सर एलेक्स फर्गुनसले प्रशिक्षक पद त्यागेयता युनाइटेडको लय एकनासको रहन सकेको छैन ।
रोनाल्डोले छाडेपछि युनाइटेडले लगातार तीन पटक प्रिमियर लिगको उपाधि जित्यो भने ती सिजनमा टोली च्याम्पियन्स लिगको कम्तीमा सेमिफाइनल पुगेको थियो । पछिल्लो १२ सिजनमा युनाइटेडले मात्र २ पटक प्रिमियर लिग जितेको छ । त्यस्तै २०११ को च्याम्पियन्स लिगको सेमिफाइनलमा पुगेको थियो । त्यति बेला युनाइटेड फाइनलमा पराजित भएको थियो ।
पछिल्ला वर्षहरुमा युनाइटेडले सफलताको स्वाद चाख्न पाएको छैन । २०१३ यता प्रिमियर लिगसहित टोलीले ३ महत्त्वपूर्ण उपाधि जितेपनि टोली २०१७ यता भने उपाधिविहिन छ । रोनाल्डो फर्केपछि टोलीले उपाधि जित्ने आशा बढेको छ । रोनाल्डो फर्केपछिको लक्ष्यमा उनी र क्लब प्रष्ट छन्, विगतकै जस्तो टोलीलाई पुनः सफलता दिलाउने ।
युवा अवस्थामा युनाइटेड छाडेका रोनाल्डो परिपक्क भएर युनाइटेड फर्कंदैछन् । सम्भवतः उनी इंग्ल्यान्डमा सबैभन्दा बढी कमाउने फुटबल खेलाडी हुन सक्छन् । युनाइटेड फर्कनमा रोनाल्डो आफैं पनि उत्साहित देखिएका छन् र निसंकोच उनले भित्रि मनैदेखि यो निर्णय गरेका हुन् । व्यक्तिगत रुपमा मैदान भित्रको सफलता र आर्थिक रुपमा पनि उनलाई सिटी जाने विकल्प उत्तम रहन सक्थ्यो । तर रोनाल्डोले युनाइटेड फर्केर आफ्नो करिअरको सुखद अन्त्यसँगै क्लबको पुरानो छवि फर्काउने प्रयास गर्नेछन् । यसमा उनले आफ्नो दिमाग भन्दा भित्रि मनले निर्णय लिएका छन् ।
एजेन्सीको सहयोगमा
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]