एजेन्सी – फ्रान्सेली फरवार्ड ओलिभर जिरुड चम्कदा एसी मिलानले इटालियन सिरी ‘ए’ मा सानदार जित दर्ता गरेको छ । घरेलु मैदानमा एसी मिलानले क्याग्लिएरीमाथि ४–१ को सानदार जित निकालेको हो ।

मिलानको जितमा सान्द्रो टोनाली र राफयल लियोले समान एक गोल गर्दा क्याग्लिएरीका एलेसान्द्रो डिओलाले एक गोल फर्काए ।
खेलको १२औं मिनेटमा सान्द्रो टोनालीको गोलबाट मिलानले सुरुवाती अग्रता लिएको थियो । तर त्यो अग्रता लामो सय टिकेन । १५औं मिनेटमा एलेसान्द्रोले बराबरी गोल फर्काए ।

१७औं मिनेटमा थियो हर्नान्डेजको पासमा राफयल लियोले गोल गर्दै एसी मिलानलाई २–१ को अग्रता दिलाए । २४औं मिनेटमा ब्राहिम डियाजको पासमा ओलिभर जिरुडले गोल गर्दै मिलानलाई ३–१ ले अघि बढाए । ४३औं मिनेटमा जिरुडले पेनाल्टीमार्फत गोल थपेपछि मिलानले पहिलो हाफमै ४–१ को आरामदायी अग्रता लिन सफल भयो । दोस्रो हाफमा दुवै टोलीबाट गोल निस्कन नसक्दा पहिलो हाफको गोल नै मिलानको जितमा निर्णायक बन्यो ।

लगातार दोस्रो जितसँगै मिलान २ खेलबाट ६ अंक जोडेर चौथो स्थानमा रहेको छ । समान ६ अंक नै रहेपनि लाजियो, इन्टर मिलान र रोमा शीर्ष तीनमा रहेका छन् । नेपोली पाँचौ स्थानमा रहेको छ । पराजित क्याग्लिएरी १ अंकसहित १४औं स्थानमा रहेको छ ।

अन्य नतिजा
जिनोआविरुद्ध नेपोली (१–२)
सस्सुलोविरुद्ध साम्पडोरिया (०–०)
सालेरनिटानाविरुद्ध रोमा (०–४)