3 years ago
September 1, 2021
सुबास हुमागाईं, काठमाडौं नेपाली राष्ट्रिय फुटबल टोलीसँग दुई मैत्रीपूर्ण खेल खेल्न भारतीय टोली काठमाडौंमा छ । नेपालले दशरथ रंगशालामा विहीबार र आइतबार गरेर भारतविरुद्ध दुई खेल खेल्दैछ । भारतका क्रोएसियाली प्रशिक्षक इगोर स्टिमाचले नेपालविरुद्ध खेलका लागि २५ सदस्यीय बलियो टोलीको घोषणा गरेका थिए । कप्तान सुनील क्षेत्रीसहित साफ च्याम्पियनसिप खेल्ने टोली नै नेपाल आइपुगेको छ । […]
सुबास हुमागाईं, काठमाडौं
नेपाली राष्ट्रिय फुटबल टोलीसँग दुई मैत्रीपूर्ण खेल खेल्न भारतीय टोली काठमाडौंमा छ । नेपालले दशरथ रंगशालामा विहीबार र आइतबार गरेर भारतविरुद्ध दुई खेल खेल्दैछ ।
भारतका क्रोएसियाली प्रशिक्षक इगोर स्टिमाचले नेपालविरुद्ध खेलका लागि २५ सदस्यीय बलियो टोलीको घोषणा गरेका थिए । कप्तान सुनील क्षेत्रीसहित साफ च्याम्पियनसिप खेल्ने टोली नै नेपाल आइपुगेको छ । यसअघि एएफसी कपमा सहभागी रहेका कारण केहि खेलाडी नआउने भनिएपनि प्रशिक्षक स्टिमाचले साफको तयारीलाई मध्यनजर गर्दै आफ्नो मुख्य टोली नै नेपाल लिएर आएका छन् ।
भारतीय टोलीमा रहेका २५ खेलाडी मध्य तीन खेलाडी मात्र यसअघि नेपाल आएका थिए । कप्तान सुनील क्षेत्रीसँगै डिफेन्डर प्रितम कोटल र गोलरक्षक गुरप्रित सिंह सन्धुले सन् २०१५ मा भएको विश्वकप छनोट अन्तर्गत दोस्रो लेगको खेल खेलेका थिए । उक्त खेलमा सुनील र प्रितम दुवैले पूरा ९० मिनेट खेल्दा गुरप्रित भने बेन्चमा सिमित रहेका थिए ।
नेपालले पछिल्लो पटक भारतविरुद्ध सन् २०१७ मा खेलेको मैत्रीपूर्ण खेलमा भने सुनीलले खेलेका थिएनन् । उक्त खेलमा गुरप्रितले टोलीको कप्तानी गर्दा प्रितम कोटल सुरुवाती ११ मा तथा वैकल्पिक गोलरक्षक अमरिन्दर सिंह बेन्चमा सिमित रहेका थिए । त्यसबेला भारतका प्रशिक्षक एक समय नेपालको प्रशिक्षण सम्हालेका स्टेफान कन्सटानटाइन थिए ।
स्टिमाचको आगमनसँगै भारतीय टोलीमा निकै परिवर्तन आएको छ । उनले इन्डियन सुपर लिग (आइएसएल) का क्लबका खेलाडी समेट्दै २५ सदस्यीय टोलीको निर्माण गरेका छन् । टोलीमा डेब्यु गर्न बाँकी तीन जना खेलाडी मात्र छन् । गोलरक्षक धिरज सिंह मोइराङथेम , डिफेन्डर सेरटोन फर्नान्डेस र फरवार्ड रहिम अलीले हालसम्म राष्ट्रिय टोलीबाट खेलेका छैनन् । धिरज विगत २ वर्षदेखि टोलीमा रहेपनि डेब्यु गरेका छैनन् । उनले नेपालविरुद्ध खेलमा खेल्ने सम्भावना छ । रहिम र सेरीटन भने पहिलो पटक टोलीमा परेका हुन् ।
भारतले कोलकातामा रहेर दश दिन अभ्यास गरेको थियो । उक्त क्याम्पमा एएफसी कपमा व्यस्त रहेका एटिके मोहन बगान र बेंगलुरु एफसीका खेलाडी भने समावेश थिएनन् । २५ सदस्यीय टोलीमा प्रशिक्षण क्याम्पमा सहभागी नरहेका ९ खेलाडी पनि समावेश छन् । यी खेलाडीले पहिलो खेल सुरुवाती ११ मा रहेर खेल्ने सम्भावना कम छ ।
भारतको क्याम्पमा रहेका खेलाडीले आन्तरिक प्रशिक्षण खेलका रुपमा कोलकातामा दुई खेल खेलेका थिए । आइएफए एघारविरुद्ध खेलमा १-० को जित हासिल गर्दा आकाश मिश्राले गोल गरेका थिए । त्यस्तै मोहमडन स्पोर्टिङ विरुद्ध २-० को जितमा इशान पण्डिता र फारुख चौधरीले गोल गरेका थिए । गोलकर्ता मध्य २५ सदस्यीय टोलीमा आकाश र फारुखले मात्र स्थान बनाएका छन् । यसअघि विश्वकप छनोटको टोलीबाट इशानको स्थानमा फारुख टोलीमा आएका हुन् ।
भारतीय टोलीका कप्तान सुनील क्षेत्रीले सोमबार नेपाल आएपछि प्रशिक्षकको टोली छनोटबारे आफूलाई केहि थाहा नभएको अभिव्यक्ति दिएका थिए । ‘हाम्रो टोली कस्तो हुन्छ मलाई पनि थाहा छैन । हामी २५ जना खेलाडी आएका छौं । कसले खेल्न पाउँछ र विश्राम लिन्छ भन्ने प्रशिक्षकलाई नै थाहा छ । म आफैंले पनि यहिं आएर टोलीसँग प्रशिक्षण गर्दैछु,’ फरवार्ड सुनीलले बताए ।
यता प्रशिक्षक स्टिमाचले भने नेपालका लागि प्रस्थान गर्नुअघि मैत्रीपूर्ण खेलका लागि टोली निकै होसियार हुनुपर्ने बताएका थिए । ‘हामीले १० दिनको तयारीबाट धेरै अपेक्षा गर्न सकिदैन । नेपालविरुद्ध खेललाई लिएर हामी होसियार रहनुपर्छ । एटिके र बेंगलुरुका खेलाडी नियमित खेलेर आएका कारण राम्रो स्थितिमा छन् होला । क्याम्पमा रहेका खेलाडीलाई पनि समेटेर टोली तयार गर्नेछौं,’ टोली घोषणाका क्रममा उनले भनेका थिए ।
भारतको टोलीमा कप्तान सुनील ३७ वर्ष र डिफेन्डर राहुल भेके ३० वर्ष बाहेक सबै खेलाडी ३० वर्ष मुनिका छन् । विशेषगरी प्रशिक्षक स्टिमाचले युवा खेलाडीलाई प्राथमिकतामा राख्दै टोली घोषणा गरेका छन् । सन् २०१७ मा यू-१७ विश्वकप खेलेका गोलरक्षक धिरज, मिडफिल्डर लालेङमविया (अपुइआ), सुरेश वाङजाम र ज्याकसन सिंह टोलीमा रहेका छन् । आइएसएलको अनुभव बोकेका खेलाडी भएकाले पनि भारतीय टोलीलाई कम उमेरका बाबजुद निकै अनुभवी मान्न सकिन्छ ।
२५ सदस्यीय भारतीय टोली :
गोलकिपर – अमरिन्दर सिंह, धिरज सिंह मोइराङथेम, गुरप्रित सिंह सन्धु
रक्षक – प्रितम कोटल, चिङलेसाना सिंह कुशुम, मन्दर राव देसाई, आकाश मिश्रा, राहुल भेके, सुबासिस बोस, सरीटन फर्नान्डेस
मिडफिल्ड– लालेङमविया, विपिन सिंह, अनिरुद्ध थापा, साहल अब्दुल समाद, ब्रान्डन फर्नान्डेस, लिस्टन कोलासो, यासिर मोहम्मद, ग्लान मार्टिन्स, सुरेशसिंह वाङजम, जेक्सन सिंह, प्रणय हाल्दर
फरवार्ड – मनवीर सिंह, रहिम अली, सुनिल क्षेत्री र फारुख चौधरी
यो पनि पढ्नुहोस : ‘नेपाल कठिन प्रतिद्वन्द्वी हो’ – भारतीय कप्तान सुनील
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]