एजेन्सी – स्पेनिस ला लिगामा आज (शनिबार) राति शीर्षस्थानमा रहेको रियल म्याड्रिडले घरेलु मैदानमा भिल्लारियलको आतिथ्यता गर्दैछ । खेल सान्टियागो बर्नबेउमा नेपालीसमयअनुसार राति १२ः४५ बजे हुनेछ ।

घरेलु मैदानमा हुने खेलमा रियल भिल्लारियललाई हराउँदै आफ्नो अपराजित यात्रालाई निरन्तरता दिदै शीर्षतालाई थप मजवुत बनाउन चहान्छ । रियल ६ खेलमा ५ जित र १ बराबरीका साथ १६ अंक जोडेर शीर्षस्थानमा रहेको छ ।

टोलीसँग लयमा रहेका कप्तान करिम बेन्जेमा, मिनिसियस जुनियरको साथ रहेको छ । बेन्जेमा र भिनिले रियलको २२ मध्ये १३ गोल एक आपसमा गरेका छन् । ९ असिस्ट पनि उनीहरुको नाममा रहेको छ ।

यस्तै इडेन हाजार्ड, लुका मोड्रिच, क्यासमिरो, इडुआर्डाै कामाभिंगा, मिगुइल गुइटेरेजडेभिड अलाबा, इडर मिलिसाओ, नाचो फर्नान्डेस र गोलरक्षक थिवाउट कोर्टुवाको साथ रहेको छ । रोड्रिगो, लुका जोभिक र इस्को पनि टोलीमा रहेका छन् । टोनी क्रुस चोटपछि पूनरागमन गर्न सक्नेछ ।

यता, भिल्लारियल पनि घरेलु टोली रियललाई स्तब्ध पार्दै अंक तालिका सुधार गर्ने लक्ष्यमा हुनेछ । भिल्लारियल ७ अंक जोडेर १२औं स्थानमा रहेको छ । टोलीसँग पाको एल्कासेर, बोउलाए डिया, अर्नाउट डानजुमा, इटिन कापोइ, ड्यानियल पारेजो, पाउ टोरे, राहुल अल्वियोल, जुआन फोयथ र गोलरक्षक जिरोनिमो रुइली रहेका छन् ।

यि दुई टोलीबीचको पछिल्लो २० भेटमा रियल १० खेलमा विजयी भएको छ । ८ खेल बराबरीमा सकिदा दुई खेल भिल्लारियलले आफ्नो पक्षमा पारेको छ । गत सिजनमा रियलले एक खेल आफ्नो पक्षमा पार्दा एक खेल बराबरीमा सकिएको थियो ।

अन्य खेल

एलाभेसविरुद्ध एट्लेटिको म्याड्रिड (साँझ ५ः४५ बजे)

भ्यालेन्सियाविरुद्ध एथलेटिको बिल्वाओ (राति ८ः०० बजे)

सेभियाविरुद्ध स्पान्योल (राति १०ः१५ बजे)