एजेन्सी – खेलको अन्त्यतिर पोर्चुगिज मिडफिल्डर ब्रुनो फर्नान्डेस पेनाल्टीमा चुक्दा म्यानचेस्टर युनाइटेड इंग्लिस प्रिमियर लिग अन्तर्गत शनिबार घरेलु मैदान ओल्ड ट्राफर्डमा एस्टन भिल्लासँग स्तब्ध बनेको छ ।

निर्धारित समयको खेल सकिन दुई मिनेट बाँकी रहँदा कोर्टने हायुजले गोल गरेपछि म्यानचेस्टर युनाइटेड घरेलु मैदानमा एस्टन भिल्लासँग १–० ले स्तब्ध बनेको हो । ओल्ड ट्राफोर्डमा इन्ज्युरी समयको थप गरिएको तेस्रो मिनेटमा पेनाल्टीमार्फत बराबरी गर्ने अवसर पाएपनि ब्रुनो फर्नान्डेस पेनाल्टीमा चुक्दा म्यानचेस्टर युनाइटेड घरेलु मैदानमा एस्टन भिल्लासँग १–० ले स्तब्ध बनेको हो ।

खेलको १६औं मिनेटमा जोन म्याक्जिनको पासमा माट टार्गेटको प्रहार पोस्टमाथिबाट थोरै बाहिरिदा एस्टन भिल्ला अग्रता लिनबाट चुक्यो । ४०औं मिनेटमा डगलस लुइजको पासमा कोन्साले आरोन वान विशाकालाई बिट गर्दै गरेको हेडर क्रसबारबाट थोरै बाहिरियो । पहिलो हाफको इन्ज्युरी समयको थप गरिएको तेस्रो मिनेटमा ब्रुनो फर्नान्डेसको कर्नरमा राफयल भरानको फ्लिक पासमा पल पोग्वाको प्रहार पोस्ट नजिकैबाट बाहिरिदा म्यानचेस्टर युनाइटेड अग्रता लिनबाट चुक्यो ।

६१औं मिनेटमा पोग्वाकै प्रहार सदुपयोग हुन सकेन । ६९औं मिनेटमा ओले वाट्किन्सको प्रहारलाई युनाइटेडका गोलरक्षक डेभिड हे गेयाले बचाउँदै एस्टन भिल्लाको अग्रता टारे । ८८औं मिनेटमा कोर्टने हायुजले डगलस लुइजको पासमा गोल गर्दै पाहुना टोलीलाई १–० को अग्रता दिलाए ।

इन्ज्युरी समयमा ब्रुनो फर्नान्डेसको क्रसलाई हायुजले पेनाल्टी क्षेत्रमा हातले छुन पुगेपछि रेफ्रीले म्यानचेस्टर युनाइटेडलाई पेनाल्टी प्रदान गरे । ब्रुनो फर्नान्डेसको पेनाल्टी आकासिएपछि युनाइटेड घरमै १–० ले स्तब्ध बन्न पुग्यो । नयाँ सिजनको प्रिमियर लिगमा युनाइटेडको यो पहिलो हार हो । यो हारपछि युनाइटेड ६ खेलबाट १३ अंक जोडेर चौथो स्थानमा रहेको छ । एस्टन भिल्ला १० अंक जोडेर सातौ स्थानमा उक्लिएको छ ।

यो पनि : म्यानचेस्टर सिटीसँग चेल्सीको हार