3 years ago
October 1, 2021
काठमाडौं (हाम्रो खेलकुद)– दक्षिण एसियाली राष्ट्रबीच फुटबलको सबै भन्दा ठूलो प्रतियोगिता साफ च्याम्पिनयसिप माल्दिभ्समा शुक्रबार सुरु हुँदैछ । झण्डै ३ दशक लामो इतिहास भएको च्याम्पियनसिपको १३ औं संस्करणको आयोजना हुँदा हरेक टोलीका आ आफ्नै इतिहास छन् । खेलमा इतिहासको सधै निरन्तरता हुन्छ भन्ने छैन । नयाँ संस्करणमा नयाँ इतिहास रचिनेछन् । हरेक च्याम्पियनसिपमा पहिलो खेल […]
काठमाडौं (हाम्रो खेलकुद)– दक्षिण एसियाली राष्ट्रबीच फुटबलको सबै भन्दा ठूलो प्रतियोगिता साफ च्याम्पिनयसिप माल्दिभ्समा शुक्रबार सुरु हुँदैछ । झण्डै ३ दशक लामो इतिहास भएको च्याम्पियनसिपको १३ औं संस्करणको आयोजना हुँदा हरेक टोलीका आ आफ्नै इतिहास छन् । खेलमा इतिहासको सधै निरन्तरता हुन्छ भन्ने छैन । नयाँ संस्करणमा नयाँ इतिहास रचिनेछन् ।
हरेक च्याम्पियनसिपमा पहिलो खेल महत्वपूर्ण मानिन्छ । टोलीको तयारीको आंकलन र अघिको यात्रा सहज पार्नका लागि पहिलो खेल धेरै अर्थमा महत्वपूर्ण पनि हुन्छ । तर, नेपालको हकमा साफ च्याम्पिनसिपको सुरुवात सन्तोषजनक रहेको छैन ।
यसअघिका १२ संस्करणमा नेपालले धेरै पटक हारबाट यात्रा सुरु गरेको छ । १२ संस्करणका सुरुवाती खेलमा नेपालले २ पटक मात्र जित निकाल्न सकेको छ भने ३ पटक बराबरी खेलेको छ । बाँकी ७ खेलमा हार बेहोर्नु परेको छ । आज आयोजक समेत रहेको साविक विजेता माल्दिभ्ससँग खेल्दै नेपालले च्याम्पिनयसिपको यात्रा थाल्नेछ । यसअघि पनि दुई पटक माल्दिभ्ससँग खेल्दै नेपालले च्याम्पियनसिपको सुरुवात गरेको थियो । ती दुवै पटक नेपाल र माल्दिभ्सले १–१ को बराबरी खेलेका थिए ।
बंगलादेशमा सन् २००९ मा र सन् २०११ मा भारतमा भएको च्याम्पियनसिपका दुवै संस्करणमा नेपाल र माल्दिभ्सबीच पहिलो भेट भएको थियो । १९९९ र २०१३ मा मात्र नेपालले पहिलो खेल जितेको थियो । भारतमा भएको चौथो संस्कराण्मा नरेश जोशीको ह्याट्रिकका नेपालले श्रीलंकालाई ३–२ ले हराएको थियो ।
स्वदेशमा आयोजना भएको दसौं संस्करणको पहिलो खेलमा नेपालले बंगलादेशलाई हराउँदा अनिल गुरुङ गुरुङ र भरत खवासले गोल गरेका थिए । माल्दिभ्ससँग पहिलो खेलमा २ बराबरी बाहेक १९९३ को पहिलो संस्करणको पहिलो खेलमा नेपालले पाकिस्तानसँग १–१ को बराबरी खेलेको थियो । साफ च्याम्पियनसिपको पहिलो खेलमा नेपाली टोली भारत, बंगलादेश र पाकिस्तान सँग समान २ र श्रीलंकासँग एक पटक पराजित भएको छ ।
साफ च्याम्पियनसिपका अघिल्ला १२ संस्करणको पहिलो खेलमा नेपालको प्रदर्शन
१९९३, पाकिस्तान – पाकिस्तानविरुद्ध नेपाल (१–१)
१९९५, श्रीलंका – नेपालविरुद्ध बंगलदेश (०–२)
१९९७, नेपाल – नेपालविरुद्ध पाकिस्तान (०–२)
१९९९,भारत – श्रीलंकाविरुद्ध नेपाल (२–३) नरेश जोशीको ह्याट्रिक
२००३, बंगलादेश – बंगलादेशविरुद्ध नेपाल (१–०)
२००५,पाकिस्तान – भारतविरुद्ध नेपाल (२–१)
२००८,माल्दिभ्स/श्रीलंका – भारतविरुद्ध नेपाल (४–०)
२००९ ,बंगलादेश – माल्दिभ्सविरुद्ध नेपाल (१–१)
२०११,भारत – माल्दिभ्सविरुद्ध नेपाल (१–१)
२०१३,नेपाल – नेपालविरुद्ध बंगलादेश (२–०)
२०१५,भारत – नेपालविरुद्ध श्रीलंका (०–१)
२०१८,बंगलादेश – नेपालविरुद्ध पाकिस्तान (१–२)
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]