कुचिङ (हाम्रो खेलकुद)– नेपाल एएफसी सोलिडारिटी कप सेमिफाइनलको पहिलो हाफको समाप्ती सम्म १–० ले पछाडी परेको छ । नेपालविरुद्ध १९ औं मिनेटमा साइ सोङ खामले हेडमार्फत गोल गरेका थिए । थ्रोमा आएको बललाई कप्तानले क्रस गरेपछि नजिक रहेका कामले ड्रप हेडमा गोल गरेका थिए । उनको प्रहार रोक्न नेपाली किपर किरण चेम्जोङले प्रयास त गरे, तर उनले भेट्टाउन सकेनन् ।

नेपाली टोलीले गोल गर्ने केही अवसर पाएर पनि खाता खोल्न सकेन । भरत खवास, नवयुग श्रेष्ठ गोलको मौका पाएका थिए, तर सफल हुन सकेनन् । विमल घर्ती मगरले १७ औैं मिनेटमा पेनाल्टी बक्सको केही बाहिरबाट फ्रिकिक प्रहार गरे, बल पोस्ट नजिकबाट बाहिरीयो ।
ब्रुनाईसँगको खेलमा भन्दा नेपालले आज एउटा एउटा परिवर्तन गरेको छ । आज हेमन गुरुङको सट्टा अन्जन विष्ट पहिलो रोजाईमा छन् । एसियाली स्तरको प्रतियोगितामा नेपाल दोस्रो पटक सेमिफाइनल खेलिरहेको छ । यसअघि सन् २००६ को एएफसी च्यालेन्जकपमा नेपाल सेमिफाइनल सम्म पुगेको थियो । लाओसलाई हराउन सकेन नेपाल पहिलो पटक एसियाली स्तरको प्रतियोगिताको फाइनलमा पुग्नेछ ।