म्यासेडोनिया बिरुद्द ४-० को सहज जित दर्ता गर्दै स्पेन बिश्व कप छनोट चरणको खेलमा ३ जित र १ बराबरी सहित समुह ‘जि’ मा शिर्ष स्थामा छ । दोस्रो स्थामा रहेको इटालिको समान १० अंक छ ।

स्पेनका लागी डार्को भेल्कोव्सिको आत्मघाती गोल खेलमा पहिलो पटक अग्रता लिन काफी रह्यो भने भिटोलो , मोनरियाल र अडुरिजको थप गोलले स्पेनलाई ३ अंक बटुल्न सहज भयो ।

त्यस्तै इटालिले लिएखटेन्स्टाइन ४-० ले हराउदै समुहमा स्पेनसित समान १० अंक बटुल्दै प्रतिस्पर्धा जारी राख्यो । इटालिका लागी अन्ड्रे बेल्लोटिले दुइ गोल गरे भने सिरो इम्मोबिल र एन्टोनियो कन्ड्रीभाले १-१ गोल गरे । समुहको अर्को खेलमा दुइटा रेड कार्ड पाएको अल्बेनियालाई इज्रेलाले ३-० ले हरायो ।

समुह ‘डि’ मा भने सर्भियाले वेल्सलाई अन्तिम मिनेटमा जित्बाट बन्चिन गर्‍यो । ज्ञारेथ बेलले पहिलो हाल्फमा दिलाएको अग्रतालाई मित्रोभिकले ८६ मिनेटमा गोल गर्दै वेल्सको जित अवरुद्ध गरेका थिए । समुहको अन्य खेलहरुमा आयरल्याण्डले अस्ट्रीयालाई १-० ले हराउदै महत्वपुर्ण ३ अंक बटुलेर समुहको शिर्षस्थान कबजा गर्‍यो । पाचौ र छैटौमा रहेको जियोर्जिया र मोल्डोभाले १-१ को बराबरी खेल्दै अंक बाडे ।

समुह ‘आइ’ मा टर्किले कोसोभोलाई २-० ले हरायो भने क्रोसियाले आइसल्यान्ड्लाई २-० ले पराजित गर्‍यो । त्यस्तै युकरेनले फिन्ल्याण्ड माथी १-० को जित हासिल गर्‍यो ।