एजेन्सी – दोस्रो हाफमा १४ मिनेटको अन्तरमा चार गोल सम्भव भएपछि जर्मन क्लब बायर्न म्युनिखले युइएफए च्याम्पियन्स लिगमा घरेलु टोली बेन्फिकामाथि सानदार जित दर्ता गरेको छ ।

बायर्नले पोर्चुगिज क्लब बेन्फिकामाथि ४–० को सानदार जित निकालेको हो । बायर्नको फराकिलो जितमा लिरोए सानेले दुई गोलसँगै एक असिस्ट दिए । रोबर्ट लेवान्डोस्कीले एक गोल गर्दा एक गोल उपहार पाएको थियो ।

लिस्बोआमा बुधबार राति भएको खेलमा बायर्नले घरेलु टोलीलाई खेलको सुरुवातदेखि नै दवावमा राखेपनि गोलको लागि दोस्रो हाफ नै कुर्नुपरेको थियो । ४३औं मिनेटमा रोबर्ट लेवोन्डोस्कीले गोल गरेनि भिएआरमा उनको गोलले मान्यता पाएन । गोलको मुभमा बल नियन्त्रणमा लिने क्रममा हातले बल छुन पुगेको थियो ।

५२औं मिनेटमा थोमस मुलरले गोल गरेपनि भिएआरमा अफसाइड ठहरिदा उनको गोलले मान्यता पाएन । ७०औं मिनेटमा लिरोए सानेले गोल गर्दै बायर्नलाई अग्रता दिलाए । ८०औं मिनेटमा एभर्टनले आत्मघाती गोल गरेपछि बायर्नले खेलमा अग्रता दोब्बर बनायो ।

८२औं मिनेटमा रोबर्ट लेवान्डोस्कीले लिरोए सानेको पासमा गोल गर्दै बायर्नलाई सहज जिततर्फ अघि बढाए । त्यसको दुई मिनेटपछि लिरोए सानेले जोसिप स्टानिसिसको पासमा व्यक्तिगत दोस्रो तथा टोलीका लागि चौथो गोल गर्दै बायर्नलाई ४–० को सानदार जित दिलाए ।

यो जितपछि समूह ‘ई’ मा अपराजित रहेको बायर्नको ३ खेलबाट ९ अंक जोडेर शीर्षस्थानमा यथावत रहेको छ । पराजित बेन्फिका ४ अंक जोडेर दोस्रो स्थानमा यथावत रहेको छ । बार्सिलोना ३ अंक जोडेर तेस्रो स्थानमा रहँदा डेनामो किएभ १ अंक जोडेर पुछारमा रहेको छ ।

यही समूहको अर्काे खेलमा जेरार्ड पिकेको एक गोल सहयोगमा डेनामो किएभमाथि १–० को झिनो जित निकालेको छ ।