2 years ago
October 24, 2021
काठमाडौं (हाम्रो खेलकुद) – राष्ट्रिय फुटबल खेलाडी विमल घर्तीमगर लिग च्याम्पियन मच्छिन्द्र क्लबमा अनुबन्धित भएका छन् । यसै महिनाको अन्त्यमा सुरु हुने सहिद स्मारक ‘ए’ डिभिजन लिगका लागि स्टार खेलाडी विमलले मच्छिन्द्र सम्झौता गरेका हुन् । चोटका कारण झण्डै एक बर्ष देखि मैदान बाहिर रहेका विमल उपचारपछि चोटमुक्त हुँदै मच्छिन्द्रबाट लिग खेल्ने भएका हुन् । […]
काठमाडौं (हाम्रो खेलकुद) – राष्ट्रिय फुटबल खेलाडी विमल घर्तीमगर लिग च्याम्पियन मच्छिन्द्र क्लबमा अनुबन्धित भएका छन् । यसै महिनाको अन्त्यमा सुरु हुने सहिद स्मारक ‘ए’ डिभिजन लिगका लागि स्टार खेलाडी विमलले मच्छिन्द्र सम्झौता गरेका हुन् ।
चोटका कारण झण्डै एक बर्ष देखि मैदान बाहिर रहेका विमल उपचारपछि चोटमुक्त हुँदै मच्छिन्द्रबाट लिग खेल्ने भएका हुन् । विमलको आगमनले टोलीको मनोवल उच्च हुने क्लबले जनाएको छ । कतार विश्वपकप छनोटका लागि राष्ट्रिय टिमको बन्द प्रशिक्षणमा गत पुसमा विमलको दायाँ घुँडामा चोट लोको थियो ।
अखिल नेपाल फुटबल संघ (एन्फा) ले पहलमा कतार फुटबल संघले उनको उपचार व्यवस्था मिलाएको थियो । कतारस्थित एप्सटार अस्पतालमा उपचार गराएर ९ महिनामा उनी गत महिना स्वदेश फर्केका थिए । स्वदेश फर्किएका उनले व्यक्तिगत प्रशिक्षणसँगै यु–२३ टिमसँग प्रशिक्षण गरेका थिए ।
लिगका लागि विमललाई थ्री स्टारले पनि अनुबन्धको प्रयास गरेको थियो । तर, विमलले लिग च्याम्पियन मच्छिन्द्र नै रोजेका हुन् । २०७६ मा भएको पछिल्लो ए डिभिजनमा मच्छिन्द्रबाट खेलेका थिए । एन्फाको ९० दिनको प्रतिबन्ध फुकुवापछि उनले लिगको अन्तिम खेल खेलेका थिए । विमलसम्मलित अन्तिम खेलमा आर्मीलाई १–० ले हराउँदै मछिन्द्र पहिलो पटक लिग च्याम्पियन बनेको थियो । विमलको अनुबन्ध रकम भने गोप्य राखिएको छ ।
विमलले गत सिजन पनि मच्छिन्द्रबाट अन्तिम खेल खेलेको स्मरण गर्दै यसपटक उपाधि रक्षा गर्ने बताए । ‘गत सिजन एक खेल मात्र खेल्ने अवसर पाएको थिएँ । यसपटक सुरुदेखि खेलेर उपाधि रक्षा गर्नेछौं । क्लबका व्यवस्थापन, प्रशिक्षक सँग राम्रो सम्बन्ध छ,’ उनले भने ।
विमलले चोटबाट पुनरागमन गर्दा थप जिम्मेवारी महसुस भएको बताएका छन् । ‘चोट लागेपछि निकै कठिन अवस्था थियो । मैले निकै मिहिनेत गरेको छु । अब मैदानमा उत्रेर खेल देखाउन आतुर छु,’ उनले भने ।
क्लबका प्रशिक्षक प्रवेश कटुवालले पनि विमलको आगमनले टोली बलियो भएको अभिव्यक्ति दिए । ‘विमलको आगमनले टोली थप बलियो भएको छ । हामीले गत सिजनपछि केहि खेलाडी गुमायौं । अब थप बलियो भएर उपाधि रक्षा गर्नेछौं,’ उनले भने ।
बेल्जियम र नेदरल्याण्डसका क्लबहरुमा प्रशिक्षण तथा घरेलुसहित भारत, माल्दिभ्सको क्लबका व्यवासायिक फुटब खेलेका विमलले मच्छिन्द्रमा खेल्नुअघि च्यासलबाट लिग खेलेका थिए । त्यसअघि २०७१ को राष्ट्रिय लिगमा उनले सुदूरपश्चिमबाट खेलेका थिए । १४ वर्षको उमेरमा बंगलादेशविरुद्धको मैत्रीपूर्ण खेलमार्फत राष्ट्रिय टोलीमा स्थान बनाएका विमलले राष्ट्रिय टोलीबाट ९ गोल गरिसकेका छन् ।
मच्छिन्द्रले यसअघि मनिष डाँगी, सुनिल बलसँग सम्झौता गरिसकेको छ । रेजिन सुब्बा, विशाल राई, विशाल श्रेष्ठलगायतका पुराना खेलाडीसँग सम्झौता नविकरण गरिसकेको छ ।
March 19, 2024
काठमाडौं (हाम्रो खेलकुद)- नेपाल पुलिस क्लबले आठौं आरबीबी एनभिए भलिबल च्याम्पियनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ। पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो […]
March 18, 2024
काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]
March 18, 2024
एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो । दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]