एएफसी सोलिडारिटी कपको फाइनलका लागि नेपाली टोली को अन्तिम तयारी (फोटो फिचर)

काठमाडौं (हाम्रो खेलकुद)- नेपाल पहिलो पटक एतिहासिक सफलताको नजिक पुगेको छ । मंगलबार साँझ नेपाली समय अनुसार ५ः१५ मा सुरु हुने फाइनल जित्न सके नेपालले पहिलो पटक एसियाली फुटबल महासंघ (एएफसी) को आधिकारिक प्रतियोगिता जित्नेछ ।

दक्षिण एसियाली स्तरका यू १६, यू १९, यू २३ हुँदै राष्ट्रिय टोलीमा समेत च्याम्पियन बनिसकेको नेपाल पहिलो पटक एसियाली स्तरको फाइनल खेल्दैछ । नेपालले फाइनलमा मकाउको सामना गर्दै छ । मकाउ त्यहि टोली हो जसलाई नेपालले सन् २००८ मा एएफसी च्यालेन्ज कप छनोट समूह चरणमा हराएको थियो । अब फेरी नेपाल सामू मकाउलाई हराउँदै नेपाली फुटबललाई एसियाली स्तरमा चिनाउने अवसर छ । समूह चरणका दुई र सेमिफाइनल जित्दै अघि बढेको एतिहासिक उपाधिको एक कदममात्र टाढा छ ।