यस्तो छ मकाउ बिरुद्द अहिले सम्मको नतिजा

काठमाडौं (हाम्रो खेलकुद)– नेपाली फुटबल समर्थकको ध्यान आज फेरि एकपटक मेलेसियाको कुचिङ जारी एएफसी सोलिडारिटी कपमा हुनेछ । जहाँ नेपाली राष्ट्रिय टोली सोलिडारिटी कपको फाइनलमा मकाउको सामना गर्दैछ । स्वभाविक छ, मेहनतका साथ फाइनल पुगेका दुवै टोली उपाधि उचाल्ने विश्वासका साथ आज साँझ नेपाली समय अनुसार ५ः१५ मा एक अर्काविरुद्ध उत्रदैछन् । सेमिफाइनलमा नेपालले लावसलाई र मकाउले ब्रुनाईलाई टाइब्रेकरमा हराएर एकअर्कासँगको भेट पक्का गरेका हुन् ।