default_image

3 years ago

August 31, 2022

न्यू डायमन्डलाई हराउँदै पुलिस च्याम्पियन

407 views

0 Bookmark

पोखरा (हाम्रो खेलकुद) – चारपटकको च्याम्पियन न्यू डायमन्ड युथ स्पोर्ट्स क्लबलाई पराजित गर्दै विभागीय नेपाल पुलिस क्लब लगातार दोस्रो वर्ष लामाचौर कप महिला तथा पुरुष राष्ट्रिय भलिबल प्रतियोगिता अन्तरगत महिलातर्फको च्याम्पियन बनेको छ ।

न्यू डायमन्डलाई ३–० को सोझो सेटमा पराजित गर्दै पुलिस लगातार दोस्रो वर्ष च्याम्पियन बनेको हो । यस अघिको संस्करणमा पनि पुलिसले न्यू डायमन्डलाई नै हराएर उपाधि जितेको थियो ।

लामाचौरस्थित इन्द्र राज्यलक्ष्मी माविको भलिबल कोर्टमा बुधबार भएको फाइनलमा युवा खेलाडीको बाहुल्यता रहेको पुलिससामु खुलेर खेल्न सकेन । पहिलो सेट २५–१५ ले सहजै गुमाएको डायमन्डले दोस्रो सेट पनि २५–१४ ले सहजै पुलिसलाई सुम्पिएको थियो ।

तेस्रो सेटमा पुलिसले १८–५ को आरामदायी अग्रता लिदा वर्षा भएपछि खेल झन्डै एक घण्टा ४५ मिनेटपछि शुरु हुँदा पुलिस २५–८ ले विजयी हुँदै उपाधि जित्न सफल भयो ।पुलिसले तेस्रोपटक फाइनल खेल्दा दोस्रोपटक उपाधि जित्न सफल भएको हो । पहिलो संस्करणमा पुलिस एपिएफसँग पराजित भएको थियो ।

पहिलो संस्करणपछि लगातार आठौंपटक फाइनल खेल्दै चार उपाधि जितेको न्यू डायमन्ड पछिल्लो चार संस्करण भने उपविजेतामा सीमित बनेको छ । न्यू डायमन्डकी महत्वपूर्ण खेलाडी प्रतिभा माली आफ्नो पूरानो चोट बल्झिएपछि उनी उपचारमै रहँदा पछिल्लो खेलमा टोलीसँग रहेका छैनन् ।

उपाधिसँगै पुलिसले १ लाख ५० हजार १ सय ११ रुपैयाँ र शिल्ड प्राप्त गरेको छ । दोस्रो भएको न्यू डायमन्डले १ लाख १ सय ११ रुपैया प्राप्त गरेको छ । तेस्रो भएको त्रिभुवन आर्मी क्लबले ५० हजार १ सय ११ रुपैयाँ हात पारेको छ । बुधबारै गण्डकी प्रदेशलाई २५–१७, २५–१७ र २५–१५ ले हराएर आर्मीले तेस्रो स्थान हासिल गरेको छ ।

पुरुषतर्फ उपाधिका लागि बिहीबार गण्डकी प्रदेश र नेपाल पुलिस क्लबबीच प्रतिस्पर्धा हुनेछ । गण्डकीले मंगलबार नेपाल एपिएफ क्लबलाई ३–२ को सेटमा तथा पुलिसले बुधबार आर्मीलाई ३–१ को सोझो सेटमा हराएर फाइनलमा स्थान बनाएको छ । पुरुषतर्फ तेस्रो स्थानको खेल पनि बिहीबार नै हुनेछ ।

११ देखि १४ भदौंसम्मको खेल हुने भएपनि वर्षाले प्रभावित बन्दा प्रतियोगिता दुई दिन बढी लम्बिएको छ । नव आदर्श सामुदायिक विकास समाजको आयोजनामा भइरहेको प्रतियोगितामा महिलातर्फ चार र पुरुषतर्फ पाँच टिमको सहभागिता रहेको छ । महिलातर्फ एपिएफ अन्तिम समयमा सहभागी नभएको आयोजकले जनाएको छ ।

महिलातर्फ नेपाल प्रहरी, त्रिभुवन आर्मी क्लब, न्यू डायमण्ड युथ स्पोर्टस् क्लब र गण्डकी प्रदेशको टिमले भाग लिएका छन् । पुरुषतर्फ नेपाल प्रहरी, सशस्त्र प्रहरी बल, त्रिभुवन आर्मी क्लबसहित बुटवलको मणिमुकुन्द भलिबल क्लब र गण्डकी प्रदेशको टिम गरी ५ टिमको सहभागिता रहेको छ ।

December 6, 2025

एनपिसी धरान र आयोजक निलो नकआउट चरणमा

काठमाडौं (हाम्रो खेलकुद)- नेपाल पुलिस स्कुल साँगा काभ्रेपलाञ्चोकको आयोजनामा जारी ३१ औँ अन्तर मावि आइजीपी फुटबल रनिङ ट्रफीको चौथो दिन आज एनपिएस धरान, एनपिएस साँगा (निलो) र पिस प्वाइन्ट विद्यालय विजयी भए। पहिलो खेलमा नेपाल पुलिस स्कूल धरानले डिएभी स्कुल जावलाखेललाई १५- १ ले पराजित गर्यो । धरानका श्रीजन मल्लले एक्लैले ५ गोल गर्दै ‘प्लेयर […]

December 5, 2025

एपिएफको सानदार सुरुवात

काठमाडौं (हाम्रो खेलकुद)- एपिएफ फुटबल क्लबले साफ महिला क्लब च्याम्पियनसिप २०२५ मा दमदार सुरुवात गरेको छ। एपिएफले बंगलादेशको नसरिन स्पोर्ट्स एकेडमीलाई ४-० ले माथ दिंदै विजयी सुरुवात गरेको हो।एपिएफको जितमा रश्मि कुमारी घिसिङ र युवा खेलाडी मिना देउवाले‌ समान २ गोल गरे। दशरथ रंगशालामा भएको खेलमा घरेलु टोली एपिएफ दबाब बनायो। ३८ औ मिनेटमा रश्मिले […]

December 1, 2025

‘नेपालमा‌ छोटो तर अर्थपूर्ण समय बिताउँने छु’ – डु प्लेसिस

काठमाडौं (हाम्रो खेलकुद)- दक्षिण अफ्रिकाका पूर्व कप्तान फाफ डु प्लेसिस आज नेपाल आइपुगेका छन्। दोस्रो नेपाल प्रिमियर लिग (एनपिएल) खेल्ने उनी सबै हाई प्रोफाइल खेलाडी हुनेछन्। उनलाई आज त्रिभुवन अन्तर्राष्ट्रिय विमानस्थलमा नेपाल क्रिकेट संघ (क्यान) का प्रवक्ता छुम्पी लामा तथा विराटनगर किंग्सका पदाधिकारीले स्वागत गरे। विमानस्थलमा नै पत्रकारसँग बोल्दै फाफले भने, ‘म यहाँ केही छोटो […]

Success

Thank you for your time.