आर्सनल शीर्ष स्थानमा थप मजबुत

एजेन्सी – आर्सनलले आज बर्नलीलाई २-० ले हराउँदै प्रिमियर लिगमा आफ्नो शीर्ष स्थान झनै मजबुत बनाएको छ।

पहिलो हाफमै दुई गोल गर्दै आर्सनलले जित पक्का गरेको थियो। पहिलो गोल विक्टर जिओकेरेसले १४ औं मिनेटमा उत्कृष्ट हेडरमार्फत गरे। उनको यो सिजनको चौथो गोल हो।

त्यसपछि डेक्लान राइसले पनि ३५ औं मिनेटमा हेडरमार्फत अर्को गोल थप्दै टिमलाई २- ० को अग्रता दिलाए।

दोस्रो हाफमा बर्नलीले केही दबाब सिर्जना गर्न खोजे पनि आर्सनलको रक्षा मजबुत रह्यो। अन्त्यतिर बर्नलीको एउटा प्रहार पोलमा ठोक्कियो ।

योसँगै आर्सनलले लगातार ५ खेल जितेको छ । तालिकामा दोस्रो स्थानको बर्नमाउथभन्दा आर्सनल (२५ अंक) ७ अंकले अघि छ। बर्नली १७औं स्थानमा रहँदै रेलिगेसन क्षेत्रभन्दा ४ अंकले मात्र माथि छ।

प्रिमियर लिगमा शनिवारको नतिजा र अंक तालिकाको शीर्ष १० टोली