काठमाडौं (हाम्रो खेलकुद) – पछिल्लो समय नेपालले क्रिकेटमा उल्लेख्य प्रदर्शन गरिरहेको सन्दर्भमा नेपाली क्रिकेट बिकासकै लागि टाइगर नेपाल क्रिकेट क्लबको स्थापना भएको छ ।

क्लबको शनिबार औपचारिक रुपमा उद्घाटन गरिएको छ । क्लबको कार्यालय अन्नपुर्ण क्लब आरसिटी नजिकै रहेको काठमाडौं महानगरपालिका वडा नम्वर १७ स्थित इनबहालमा रहेको छ । क्लबको शनिबार पुर्व रक्षामन्त्री भीनसेनदास प्रधानले एक कार्यक्रमकाबीच उद्घाटन गरे ।

क्लबका अध्यक्ष रुपेश साहले पछिल्लो समय क्रिकेटमा लहर चलिरहेका कारण नेपाली क्रिकेट बिकासको लागि क्लब स्थापना गरिएको बताए । उनले क्रिकेटमा आफ्नो प्यासन रहेका यो एक सुरुवात रहेको र नेपाली क्रिकेटलाई थप उचाईमा पु¥याउन क्लबले सहयोग गर्ने बताए ।

क्लबको कार्यसमितिको अध्यक्षमा रुपेश साह रहेका छन् । उपाध्यक्षमा सुमन मिश्रा, सचिबमा रामबाबु कुमार साह र कोषाध्यक्षमा इन्द्र बहादुर भण्डारी रहेका छन् । सदस्यमा दिपेश भण्डारी र सल्लाहकारमा भोला भुषाल रहेका छन् ।

क्लबका सल्लाहकार भोला भुषालले क्लबको पहिलो उद्देश्य काम र त्यसपछि नाम रहेका बताएका छन् । उद्घाटन कार्यक्रममा क्लबका पदाधिकारीसँगै अन्नपुर्ण क्लब आरसिटीका अध्यक्ष सुरेश काजी शाक्यको समेत उपस्थिति रहेको थियो ।

स्थापनासँगै क्लबले १५ जेठबाट विद्यालयस्तरीय टी–२० क्रिकेट प्रतियोगिता गर्ने निर्णय गरेको छ ।