काठमाडौं (हाम्रो खेलकुद) – सर्वाधिक धनराशिको ‘प्रथम चामुन्डा अल नेपाल स्नुकर च्याम्पियनसिप असार चौथो साता आयोजना हुने भएको छ ।
आयोजक चामुन्डा स्पोर्टस् क्लबले बिहीबार राजधानमिा पत्रकार सम्मेलनको आयोजना गर्दै पहिला संस्करणको प्रतियोगिता असार २२ बाट साउन १ गतेसम्म हुने जानकारी गराएको हो ।
विश्वमा लोकप्रिय भइरहेको स्नुकर पछिल्लो समय नेपालमा पनि लोकप्रिय भइरहेको अवस्थामा आयोजकले राष्ट्रिय खेलाडीहरु उत्पादन गरी खेलाडीहरुको मनोवल बढाउनुको साथै राष्ट्रिय तथा अन्तर्राष्ट्रिय पहिचान अनि खेलाडीहरुको संरक्षणको लागि प्रतियोगिता आयोजना गर्न लागेको जित नेपाल विलियर्ड स्नुकर तथा पुल संघका अध्यक्ष सरोज कुमार मुल्मीले जानकारी गराए ।
च्याम्पियनसिपमा देशभरबाट कविर २ सय ५६ खेलाडीको सहभागिता रहने आयोजकले जनाएको छ । च्याम्पियनसिपको विजेताले २ लाख रुपैया हाता पर्नेछन् । दोस्रो हुनेले ७५ हजार तथा तेस्रो हुने २ जनाले ३०–३० हजार रुपैया पाउनेछन् ।
च्याम्पियनसिपको उत्कृष्ट खेलाडीः १० हजार रुपैया प्राप्त गर्नेछन् । यस्तै हाइएस्ट ब्रेक ७५ स्कोर पार गर्नेलाई ३० हजार र सेन्चुरी ब्रेकले ५० हजार रुपैया पाउनेछन् । च्याम्पियनसिपको शीर्ष १६ खेलाडीलाई मेडल, ट्रफी, प्रमाणपत्र र गिफ्टह्याम्पर प्रदान गरिनेछ ।
प्रतियोगितामा अनुमानित रकम करिव १७ लाख रुपैया रहेको छ । च्याम्पियनसिपलाई नेपाल विलियर्ड स्नुकर तथा पुल संघले सहयोग गरेको छ ।
