काठमाडौं (हाम्रो खेलकुद)– नेपालका तीन खेलाडीले थाइल्यान्डको बैंककमा आयोजना हुने एसिया प्यासिफिक बडिबिल्डिङ एन्ड फिजिक्स स्पोर्टस् च्याम्पियनसिपमा प्रतिस्पर्धा गर्ने भएका छन् ।
संघले सोमबार राजधानीमा १२औं दक्षिण एसियाली एन्ड फिजिक्स स्पोर्टस् च्याम्पियनसिपका पदक विजेता खेलाडीलाई नगदसहित सम्मान गर्न आयोजना गरेको कार्यक्रममा तीन खेलाडीले एसिया प्यासिफिक बडिबिल्डिङ एन्ड फिजिक्स स्पोर्टस् च्याम्पियनसिपमा प्रतिस्पर्धा गर्ने जानकारी गराएको छ ।
च्याम्पियनसिप अगस्ट १६ देखि १९ सम्म बैंककमा आयोजना हुदैछ । ४ सदस्यीय नेपाली टोली शुक्रबार त्यसतर्फ प्रस्थान गर्नेछ ।
खेलाडीमा ६५ केजीका स्वर्ण विजेता समिर श्रेष्ठ, वुमन्स मोडल फिजिक्समा स्वर्णधारी मल्लिका शाक्य र मेन्स फिटनेस फिजिक्सका रजतधारी राजु राई रहेका छन् । मेन्स एथ्लेटिक्स एन्ड फिजिक्स १६७ सेन्टिमिटरभन्दा माथि नरेश मालाकारले विश्राम लिने भएपछि राजुले मौका पाएको हो । टिम अफिसियलमा दिनेश राजभण्डारी रहेका छन् ।
