3 years ago
August 9, 2022
काठमाडौं (हाम्रो खेलकुद) – किङ्स क्लब काठमाडौं र चिरायु अस्पताल एण्ड मेडिकल इन्स्टिच्युट प्रालिबीच सम्झौता भएको छ । किङ्स र चिरायु अस्पतालबीच खेलाडीसँगै खेलाडीको परिवार र रिफरल्सलाई विशेष सहुलियतमा उपचार गर्नको लागि १ वर्षको लागि सम्झौतामा मंगलबार हस्ताक्षर भएको छ ।

सम्झौतामा किङ्सका तर्फबाट अध्यक्ष अञ्चल शाही र चिरायुको तर्फबाट निर्देशक सन्जीव राजभण्डारीले हस्ताक्षर गरे । सम्झौताअनुसार अस्पतालले क्लबबाट सिफारिस भई आएका खेलाडीसँगै खेलाडीको परिवार र रिफरल्सलाई विशेष सहुलियतमा उपचार सेवा उपलब्ध गराउनेछ ।
क्लबले पनि चिरायु अस्पतालको प्रचार–प्रसारमा सहयोग गर्नेछ । सम्झौतापछि निर्देशक राजभण्डारीले सकेसम्म अस्पताल आउन नपरोस् भन्ने चाहना रहेको र मान्छेको शरीरमा कुनै नै कुनै रोग रहने भएकाले खेलाडीको स्वास्थ्यलाई मध्यनजर गर्दै सम्झौता गरिएको बताए ।
‘सकेसम्म अस्पताल आउन नपरोस् भन्ने चाहना हो । तर, मान्छेको शरीरमा रोग नहुने भन्ने हुँदैन । त्यसैले उपचारको लागि चिरायुलाई नै सम्झेर आँउनको लागि यो सम्झौता एक आधार बन्ने छ ’ निर्देशक राजभण्डारीले भने, ‘स्पोर्ट्स र मेडिसिन परिहार्य छ । चिरायुमा स्पोर्ट्स मेडिसिन निकै राम्रो छ । यहाँबाट पौडीका शिरिष गुरुङ, क्रिकेटका शरद भेषवाकरलगायतले यहीबाट उपचार गराएर गएको उदहारणछ । राम्रो नभएको खण्डमा यहाँ आउने थिएन होला ।’

चिरायुका अपरेसन निर्देशक चन्डेश्वरा राजवैद्यले ३–४ वर्षको सम्बन्धबाट आधिकारिक रुपमा कागजी प्रक्रिया मात्रै पूरा गरेको बताए । उनले चिरायुमा उपचार गराउन उपचारको प्रकृति हेरेर क्लबका कुनै पदाधिकारीको फोन सम्पर्कमार्फत पनि उपचार थालिने र तत्कालै सिफारिस पत्र आवश्यक नपर्ने जानकारी दिए ।
सम्झौता विशेष गरी भलिबल खेलाडीका लागू हुने र अन्य खेलका खेलाडीलाई पनि रहेको क्लबका अध्यक्ष शाहीले बताए । उनले भने ‘हाम्रो विशेष प्राथमिकता भलिबल खेलाडीको लागि हो । अन्य खेलका खेलाडी हाम्रो सम्पर्कमा आएको खण्डमा पनि हामी सिफारिस गरिदिनेछौं ।’
काठमाडौंका बसुन्धारामा रहेको चिरायुले यसअघि विभिन्न प्रतियोगितामा मेडिकल पार्टनरको रुपमा निशुल्क स्वास्थ्य शिविर र जनचेतनामुलक कार्यक्रमहरु सञ्चालन गर्दै आइरहेको छ । किङ्स क्लब काठमाडौं यसै वर्ष स्थापित क्लब हो । क्लबले यसैसाता विनय पन्त स्मृति पुरुष पार्क भलिबल प्रतियोगिताको आयोजना गरेको थियो । क्लबले विभिन्न सामाजिक कार्य पनि गर्दै आइरहेको छ ।
सम्झौता कार्यक्रममा अस्पतालबाट अपरेसन निर्देशक चन्डेश्वर नन्द राजवैद्य, विजनेस डेभलपमेन्ट म्यानेजर हिमाल बहादुर राना, अफिसर नवराज भुजेल, मार्केटिङ अफिसर किरण फुयाल र आइटी अफिसर बसन्त खनाल, किङ्स क्लबका कोषाध्यक्ष गोविन शाही, सचिव लक्ष्मण काप्री र सदस्य अमृत केसीलगायतको उपस्थिति थियो ।
काठमाडौंका बसुन्धारामा रहेको चिरायुले यसअघि विभिन्न प्रतियोगितामा मेडिकल पार्टनरको रुपमा कार्यसँगै निशुल्क स्वास्थ्य शिविर र जनचेतनामुलक कार्यक्रमहरु सञ्चालन गर्दै आइरहेको छ ।
किङ्स क्लब काठमाडौं भर्खरै स्थापित क्लब हो । क्लबले यसैसाता विनय पन्त स्मृति पुरुष पार्क भलिबल प्रतियोगिताको सफलतापूर्वक आयोजना गरेको छ । क्लबले विभिन्न सामाजिक कार्य पनि गर्दै आइरहेको छ ।
सम्झौता कार्यक्रममा अस्पतालबाट अपरेसन निर्देशक चन्डेश्वर नन्द राजवैद्य, विजनेस डेभलपमेन्ट म्यानेजर हिमाल बहादुर राना, अफिसर नवराज भुजेल, मार्केटिङ अफिसर किरण फुयाल र आइटी अफिसर बसन्त खनाल, किङ्स क्लबका कोषाध्यक्ष गोविन शाही, सचिव लक्ष्मण काप्री र सदस्य अमृत केसीलगायतको उपस्थिति रहेको थियो ।
December 6, 2025
हिमाल खरेल, बिर्तामोड न्यु डायमन्ड क्लबका प्रशिक्षक कुमार राई झापामा १ लाख रुपैयाँसहित सम्मानित भएका छन् । झापाको अर्जुनधारामा जारी अर्जुनधारा खुला महिला भलिबल प्रतियोगिताको दौरान राईलाई सम्मान गरिएको हो । बिर्तामोड तथा अर्जुनधाराका विभिन्न व्यक्ति तथा व्यावसायिक प्रतिष्ठानहरुले राष्ट्रिय यु १९ महिला टोलीका प्रशिक्षक समेत रहेका राईलाई १ लाख रुपैयाँभन्दा बढी धनराशिसहित आज सम्मान […]
December 6, 2025
हिमाल खरेल, बिर्तामोड नेपाल एपिएफ क्लब झापाको अर्जुनधारामा जारी अर्जुनधारा खुला महिला भलिबल प्रतियोगिताको फाइनलमा प्रवेश गरेको छ । आज भएको अन्तिम सेमिफाइनल खेलमा न्यु डायमन्ड क्लबलाई ३–१ को सेटमा पराजित गर्दै एपिएफ उपाधिनजिक पुगेको हो । प्रतिस्पर्धात्मक खेलमा एपिएफले पहिलो, दोस्रो र चौथो सेटमा न्यु डायमन्डलाई हराएको हो । एपिएफ २५–२२, २५–१६ ,२२-२५ र […]
December 6, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगिताको फाइनलमा पुगेको छ। आज भएको पहिलो सेमिफाइनल खेलमा अर्को विभागीय टोली त्रिभुवन आर्मी क्लबलाई ३–० को सोझो सेटमा पराजित गर्दै पुलिस उपाधिनजिक पुगेको हो । पुलिसले आर्मीलाई २५-६, २५-१५ र २५-१७ को सोझो सेटमा हराएको हो । पुलिसले कम्तिमा १ लाख रुपैयाँ […]