default_image

4 weeks ago

October 19, 2025

सदभाव र राहुलले एसिया-प्यासिफिक एमेच्योर गल्फ खेल्ने

212 views

0 Bookmark

काठमाडौं (हाम्रो खेलकुद)- नेपाल नम्बर एक एमेच्योर गल्फर सदभाव आचार्य र राहुल विश्वकर्माले दुबईस्थित इमिरेट्स गल्फ क्लबमा हुने एसिया-प्यासिफिक एमेच्योर च्याम्पियनसिप खेल्दैछन्।

अक्टोबर २३ देखि २६ सम्म हुने च्याम्पियनसिपमा भाग लिन जाने राहुललाई राष्ट्रिय खेलकुद परिषद्का सदस्य सचिव टंकलाल घिसिङले आज बिदाइ गरे।

अमेरिकामा उच्च अध्ययनसँगै एनसिएए डिभिजन वान खेलिरहेका सदभाव सिधै दुबई जानेछन्। राहुल सोमवार दुबई प्रस्थान गर्नेछन्।

सदभाव र राहुल दुवैले प्रतियोगिता सुरु हुनु अघि दुई अभ्यास राउन्ड खेल्नेछन्। उक्त च्याम्पियनसिपमा एसिया-प्यासिफिक क्षेत्रका उत्कृष्ट एमेच्योर खेलाडीले प्रतिस्पर्धा गर्नेछन।

यो प्रतियोगितामा नेपालको अहिलेसम्मको उत्कृष्ट प्रदर्शन गर्ने खेलाडी सुवास तामाङ हुन्। उनले २०२२ मा कट बनाएका थिए। उनी बाहेक अन्य नेपाली गल्फ खेलाडीले कट बनाउन सकेका छैनन्।

यो पटक सदभावले अमेरिकाको अनुभव र राहुलले पनि भारतको तरूण सरदेशाई एकेडेमीमा प्रशिक्षण गरेर तयारी गरेका छन्। त्यसैले उत्कृष्ट नतिजाको अपेक्षा गरिएको छ।

एसिया-प्यासिफिक एमेच्योर च्याम्पियनसिपको विजेताले द मास्टर्स प्रतियोगिता र द ओपन च्याम्पियनसिपमा स्थान बनाउनेछन्।

November 14, 2025

सानदार पुनरागमनमा काठमाडौं विजयी

काठमाडौं (हाम्रो खेलकुद)- सानदार पुनरागमन गर्दै काठमाडौं स्पाइकर्सले एभरेष्ट महिला भलिबल लिग (इडब्लुभी) मा लुम्बिनी लाभाजलाई ३-२ ले हराएको छ। राष्ट्रिय खेलकुद परिषद्को कभर्ड हलमा आज भएको अर्थहिन खेलमा दुवै टोली जितका साथ यो सिजनको लिग अन्त्य गर्ने दाउमा रहेको थियो। जहाँ लुम्बिनीले उत्कृष्ट सुरूवात गर्यो। जहाँ २५-२३ र २६-२४ ले लगातार दुई सेट जितेर […]

November 14, 2025

नेपालले महिला कबड्डी विश्व कप खेल्ने

काठमाडौं (हाम्रो खेलकुद)- बंगलादेशमा हुने दोस्रो महिला कबड्डी विश्वकप २०२५ भाग लिन जाने नेपाली महिला कबड्डी टोलीलाई बिदाइ गरिएको‌ छ। शनिवार सुरु भएर मंसिर ९ गते (नोभेम्बर १५ देखि २५ ) सम्म चल्ने विश्व कपमा यस वर्षको विश्वकपमा नेपालसहित  बंगलादेश, भारत, जापान, जर्मनी, केन्या, चिनियाँ ताइपे, थाइल्यान्ड, इरान, युगान्डा, अर्जेन्टिना र इन्डोनेसिया गरी १२ राष्ट्र […]

November 13, 2025

काठमाडौंले सेट गुमाएपछि ललितपुर फाइनलमा

काठमाडौं (हाम्रो खेलकुद)- काठमाडौं स्पाइकर्स आजको खेलमा विजयी भएपनि एभरेष्ट महिला भलिबल लिग (इडब्लुभी) को फाइनल पुग्न असफल भएको छ। पोखरा निन्जाजलाई आज ३-१ ले हराएपनि सेट गुमाएका कारण काठमाडौं फाइनल पुग्न सकेन । योसँगै ललितपुर क्विन्स फाइनलमा पुगेको छ। लिग चरणको अन्तिम खेलको नतिजाले ललितपुरलाई फरक पर्नेछ। लिगको अन्तिम दिन काठमाडौंले लुम्बिनी लायन्स र […]

Success

Thank you for your time.