काठमाडौं (हाम्रो खेलकुद) – नेपाल खेलकुद पत्रकार मञ्चले अर्को महिना आयोजना गर्ने बजाज पल्सर स्पोर्टस अवार्डलाई किरण सु म्यानु फ्याक्चररको गोल्डस्टारले मुख्य सह प्रायोजन गरेको छ ।

मञ्चले एक वर्षका लागि गोल्डस्टारसँग करिब ११ लाख रुपैयाँ बराबरको सम्झौता गरेको हो । जसमा ८ लाख रुपैयाँ नगद र बाँकी किरण सुका उत्पादन ३ लाख रुपैयाँ बराबरको रहनेछ । शुक्रबार आयोजित कार्यक्रममा किरण सु कि निर्देशक विदुषी राणा र मञ्चका अध्यक्ष देवेन्द्र सुवेदीले हस्ताक्षर गरे ।
।

पल्सर स्पोर्टस अव पावर्ड बाई गोल्ड स्टार रहनेछ । अवार्डको विभिन्न १० विधाको विजेता र मनोनयन पर्नेले गोल्ड स्टारको गिफ्ट ह्याम्पर प्राप्त गर्नेछन् ।

सम्झौतासँगै निर्देशक राणाले नेपालको नम्बर वान जुत्ताको ब्यान्ड गोल्डस्टार खेलकुदको ठूलो अवार्डसँग जोडिन पाउँदा खुसी लागेको र भविष्यमा पनि यसले निरन्तरता पाउने विश्वास व्यक्त गरिन् । मञ्चका अध्यक्ष सुवेदीले अवार्डको तयारी निरन्तर अघि बढिरहेको उल्लेख गर्दै गोल्डस्टार अवार्डका लागि सहकार्य गरेका धन्यवाद दिए ।

अवार्डमा रहेका १० विधा मध्ये पिपल्स च्वाइसको मनोनयमा पर्ने पाँच खेलाडीको नाम सार्वजनिक भइसकेको छ । ४ विधाका मनोनयन केहि दिनमा सार्वजनिक गरिने बताएएको छ । अवार्डको १६औं सस्करण असार १७ असार गते राजधानीमा आयोजना हुदैछ ।

अवार्डलाई हंसराज हुलास चन्द एन्ड कम्पनीले मुख्य प्रायोजन गरेको छ । त्यस्तै गोल्ड स्टार पावर्ड बाइ रहेको अवार्डमा सूर्य नेपाल प्राली, रोयल सिंगी होटल, रुस्लान फुटबल, स्पोर्टस वेयर ब्रान्ड केल्मीको आधिकारिक विक्रकेट कामारु ट्रेडिङ, टाइमेक्स, इमेजिङ, राष्ट्रिय खेलकुद परिषद् र नेपाल ओलम्पिक कमिटी सह प्रायोजक रहेका छन्