5 years ago
July 15, 2019
काठमाडौं (हाम्रो खेलकुद)– १३ औं दक्षिण एसियाली खेलकुद (साग) का लागि भौतिक पूर्वाधार निर्माण गति सुस्त भएपनि युवा तथा खेलकुद मन्त्री जगतबहादुर सुनार (विश्वकर्मा) ले सागलाई सफलत बनाउन सबैले प्रयास गर्नुपर्ने बताएका छन् । १३ औं साग मंसिर १५ देखि २४ गते सम्म नेपालमा आयोजना गर्ने तय छ । राष्ट्रिय खेलकुद परिषद् (राखेप) द्वारा गठित […]
काठमाडौं (हाम्रो खेलकुद)– १३ औं दक्षिण एसियाली खेलकुद (साग) का लागि भौतिक पूर्वाधार निर्माण गति सुस्त भएपनि युवा तथा खेलकुद मन्त्री जगतबहादुर सुनार (विश्वकर्मा) ले सागलाई सफलत बनाउन सबैले प्रयास गर्नुपर्ने बताएका छन् । १३ औं साग मंसिर १५ देखि २४ गते सम्म नेपालमा आयोजना गर्ने तय छ ।
राष्ट्रिय खेलकुद परिषद् (राखेप) द्वारा गठित १३ औं साग सचिवालयले सोमबार आयोजना गरेको सागका सहभागी २७ संघका पदाधिकारीसँग अन्तरक्रियामा मन्त्री विश्वकर्माले भने– ‘साग नेपालबाटै सुरु भएको गर्विलो इतिहास छ । यसलाई कायम राख्न हामी सबै प्रयास गर्न जरुरी छ ।’
मन्त्री विश्वकर्माले सागका लागि मुख्य चुनौती हिटिङ पौडी पोखरी भएको बताउँदै पूरै सामाथ्र्य प्रयोग गरेर काम सम्पन्न गर्ने बताए । उनले ५/७ दिनमा सागको कार्यविधि आउने बताउँदै आवश्यकता अनुसारको उपसमिति पनि गठन गरिने बताए ।
सातदोबाटोस्थित अन्तर्राष्ट्रिय खेलकुद परिसर हातामा नवनिर्मित अडिटोरियम हलमा भएको कार्यक्रममा सागमा समावेश खेल संघका अध्यक्ष, महासचिव र प्रमुख प्रशिक्षकहरुको सहभागिता थियो ।
त्यस अवसरमा सहभागीहरुले खेल स्थल, प्रशिक्षण स्थल, खेल सामाग्री, वैदेशिक प्रशिक्षण, स्वदेशमै विदेशी प्रशिक्षक झिकाएर खेलाडीलाई प्रशिक्षण गराउनु पर्नेलगायतका विषयमा सुझावसहितको आ–आफ्नो धारणा राखेका थिए ।
संघीय सांसद एवं नेपाल ओलम्पिक कमिटीका अध्यक्ष जीवनराम श्रेष्ठले सागलाई भब्यताका साथ सम्पन्न गर्नु सबै नेपालको दायित्व र जिम्मेवारी भएको बताए । युवा तथा खेलकुद मन्त्रालयका सचिव कृष्णप्रसाद देवकोटाले नेपालकै कारण साग नरोकिने बताउदै वर्तमान सदस्य–सचिवको कार्यशैली प्रशंसनीय रहेको बताए ।
राखेपका उपाध्यक्ष पिताम्बर तिम्सिनाले देशको प्रतिष्ठासंग जोडिएको सागलाई सफल बनाउन सबै एकजुट भएर अगाडि बढ्नुपर्ने बताए । राखेपका सदस्य–सचिव रमेशकुमार सिलवालले प्राप्त सुझावलाई कार्यन्वयन गर्नेतर्फ केन्द्रीत हुने बताउदै सागलाई परिणामुखी बनाउन प्रयासरत रहने बताए । उनले प्रत्येक खेलको निरीक्षण गर्ने बताए ।
नेपाल प्रहरीका महानिरीक्षक सर्वेन्द्र खनालले आफ्नो विभाग मातहत रहेका खेल पूर्वाधार आवश्यक परेमा सहयोग गर्न तयार रहेको बताउदै सागमा सहभागी हुने टोलीको सुरक्षाका विषयमा कुनै कसर बाँकी नराख्ने प्रतिबद्धता जनाए ।
March 28, 2024
काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]
March 28, 2024
काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]
March 28, 2024
काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिताको उद्घाटन समारोहको प्रमुख अतिथिका लागि राष्ट्रपति रामचन्द्र पौडेललाई बिहीबार निमन्त्रणा गरेको छ । राखेपको आयोजनामा १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिता वैशाख ४ देखि ६ गते काठमाडौंमा हुँदैछ । सदस्य सचिव टंकलाल घिसिङले शितल निवासमा राष्ट्रपति […]