उज्वेकिस्तानसँग साविक विजेता तुर्किमिनिस्तान स्तब्ध

काठमाडौं (हाम्रो खेलकुद)– एभिसी एसियन सेन्ट्रल जोन सिनियर पुरुष भलिबल च्याम्पियनसिपको साविक विजेता तुर्किमिनिस्तान पराजित भएको छ । अर्कोतर्फ उज्वेकिस्तानले भने च्याम्पियनसिपमा लगातार दोस्रो जित हासिल गर्दै अघिल्लो चरण प्रवेशको सम्भावनालाई बलियो बनाएको छ ।

लखनखेलस्थित नेपाली सेनाको कभर्ड हलमा मंगलबार भएको खेलमा उज्वेकिस्तानले तुर्किमिनिस्तालाई ३–० को सोझो सेटमा हराएको थियो । एकतर्फी खेलमा उज्वेकिस्तान २५–१८,२५–२१ र २५ – १५ को सोझो सेटमा विजयी भएको थियो ।

च्याम्पियनसिपको पहलिो दिन उज्वेकिस्तानले बंगलादेश र तुर्किमिनिस्तानले अफगानिस्तानलाई हराएको थियो । आजै भएको समूह बीको अर्को खेलमा अफगानिस्तानले पहिलो जित दर्ता अघिल्लो चरण पुग्ने सम्भावनालाई जीवित राखेकोे छ ।

अफगानिस्तानले बंगलादेशलाई ३–२ ले हराउँदै दोस्रो खेलमा पहिलो जित हासिल गरेको हो । अफगानिस्तानले बंगलादेशलाई २५–२१ १९ –२५,१८–२५,२५–२२ र १५–१२ ले आफनो पक्षमा पारेको थियो ।

समूह बीमा उज्वेकिस्तानले २ खेल जित्दा , तुर्किमिनिस्तान र अफगानिस्तानले समान १ खेल जितेका छन् । बंगलादेशले भने दुई खेलमा जित हासिल गर्न सकेको छैन । आज नेपाल रहेको समूह एमा मादिभ्स र कीर्गिस्तानबीच प्रतिस्पर्धा हुँदैछ ।

उज्वेकिस्तानसँग साविक विजेता तुर्किमिनिस्तान स्तब्ध

Latest News

Popular News

अन्य

चौथो भोजपुर बासिखोरा रन अर्को महिना

थाइल्याण्डमा लुम्बिनी नेपाल मिनी म्याराथन हुने

सागकी स्वर्ण पदक विजेता सन्तोषीको एकपछि अर्को कीर्तिमान

चर्चित खेलहरु:

उपयोगी लिङ्कहरू

सम्पर्क

सामाजिक संजाल