default_image

3 years ago

January 6, 2021

खेलकुद मन्त्री लामालाई संघको ध्यानाकर्षण पत्र

काठमाडौं (हाम्रो खेलकुद)– नवनियुक्त युवा तथा खेलकुद मन्त्री दावा लामालाई राष्ट्रिय तथा अन्तर्राष्ट्रिय खेलाडी संघले कार्यकालको सफलताको कामना गर्दै खेलाडीका लागि तत्काल केहि पहल लिनका लागि ध्यानाकर्षण गराएको छ । अध्यक्ष दीपक श्रेष्ठको नेतृत्वमा संघको टोली बुधबार मन्त्री लामालाई बधाई दिन सिंहदरबारस्थित उनकै मन्त्रालयमा पुगेको थियो । ओलम्पियन, एसियाली खेलकुद पदक विजेता र दक्षिण एसियाली […]

101 views

0 Bookmark

काठमाडौं (हाम्रो खेलकुद)– नवनियुक्त युवा तथा खेलकुद मन्त्री दावा लामालाई राष्ट्रिय तथा अन्तर्राष्ट्रिय खेलाडी संघले कार्यकालको सफलताको कामना गर्दै खेलाडीका लागि तत्काल केहि पहल लिनका लागि ध्यानाकर्षण गराएको छ ।

अध्यक्ष दीपक श्रेष्ठको नेतृत्वमा संघको टोली बुधबार मन्त्री लामालाई बधाई दिन सिंहदरबारस्थित उनकै मन्त्रालयमा पुगेको थियो । ओलम्पियन, एसियाली खेलकुद पदक विजेता र दक्षिण एसियाली खेलकुद (साग) का स्वर्ण पदक विजेताले राष्ट्रिय खेलकुद परिषद् (राखेप) मार्फत प्राप्त गर्दै आएको प्रोत्साहन भत्ता साउन देखि रोकिएकोले तत्काल त्यो विषयमा सम्बोधन गर्न संघले मन्त्रीलाई आग्रह गरेको छ ।

चार वर्षदेखि सरकारले आफु मातहतको राष्ट्रिय खेलकुद परिषद्मार्फत ओलम्पियन, एसियाली खेलकुदका पदक विजेता र दक्षिण एसियाली खेलकुदका स्वर्ण पदक विजेता खेलाडीलाई प्रोत्साहन भत्ता उपलब्ध गराउँदै आएको थियो । गत वर्ष स्वदेशमा आयोजना भएको १३ औं सागमा नेपालले ५१ स्वर्ण पदक जितेको थियो । ती स्वर्ण पदक विजेताले अहिले सम्म प्रोत्साहन भत्ता पाएका छैनन् ।

प्रोत्साहन भत्ताका विषयमा कार्यविधिको मस्यौदा तयार गर्न लागि मन्त्री लामाले आफ्नो पहिलो निर्णयका रुपमा ७ सदस्यीय समिति गठन गरेको खबरलाई संघले सकारात्मक पहलका रुपमा लिएको पनि जनाएको छ ।

संघले ध्यानाकर्षणमा भनेको छ, ‘कार्यविधिले तयार भइसकेपछि प्रोत्साहन भत्ताका लागि खेलाडीले पुनः संघर्ष गर्नुपर्ने छैन भन्ने विश्वास संघले लिएको छ । कार्यविधि मस्यौदा तयार पार्ने क्रममा समितिले सम्बन्धित खेलाडी संघ छलफल गराउने वातावरण निर्माणका लागि मन्त्री ज्यूले आवश्यक निर्देशन दिनुहुनेछ भन्नेमा पनि संघ आशावादी छ ।’

अघिल्लो आर्थिक वर्षसम्म प्रत्येक ओलम्पियनले मासिक ४ हजार, एसियाली खेलकुदका पदक विजेताले प्रति पदक ६ हजार र सागका स्वर्ण पदक विजेताले प्रति पदक ६ हजार रुपैयाँ प्रोत्साहन प्राप्त प्राप्त गर्दै आएका थिए ।

संघले प्रोत्साहन भत्ता कटौती नहुने गरि कार्यविधि तयार हुनेमा पनि विश्वास व्यक्त गरेको छ । संघले सागका रजत र कास्य पदक विजेता खेलाडीका लागि समेत प्रोत्साहन भत्ताको प्रबन्ध कार्यविधिमा समेटिनेमा संघ आशावादी रहेको जनाएको छ ।

संघले मन्त्रीलाई नवौं राष्ट्रिय खेलकुद आयोजनाका लागि आवश्यक पहल गर्न, स्वास्थ्य मापदण्ड अपनाएर राष्ट्रिय टोली र प्रशिक्षण सुरु हुन बाँकी खेलको प्रशिक्षण सुरु गर्नका लागि वातावरण तयार पार्न र मन्त्रालयबाट गठित कार्यविधि मस्यौदा समितिले सम्बन्धित खेलाडीहरुसँग छलफल गर्ने वातावरण मिलाइदिनका लागि समेत आग्रह गरेको छ ।

March 27, 2024

एमेच्योर सदभाव शीर्षस्थानमा

काठमाडौं (हाम्रो खेलकुद)-  एमेच्योर गल्फर सदभाव आचार्यले सूर्य नेपाल गल्फ टुर २०२३-२४ अन्तर्गत छैटौं प्रतियोगिता, सूर्य नेपाल एनपीजीए टुर च्याम्पियनसीपको तेस्रो दिन समग्रमा ११-अन्डर २ सय ५ को उत्कृष्ट स्कोरमा शीर्षस्थानमा रहन सफल भएका छन्।  आज २अन्डर ७० खेलेका सदभावले प्रो भुवन नगरकोटीलाई एक स्ट्रोकले पछि पारेका छन्।भुवनले आज १-अन्डर ७१ मा खेल सकाउँदा समग्रमा १०-अन्डर २ सय ६ सहित दोस्रो स्थानमा छन्। अन्तिम १८ होलको खेल बाँकी रहँदा उपाधि होडमा सदभाव र भुवनबीच कडा प्रतिस्पर्धा हुने भएको छ।समग्रमा ३-अन्डर २ सय १३ को नतिजामा दिनेश प्रजापति र विजय श्रेष्ठ आइन्हाउस संयुक्तरुपमा तेस्रो स्थानमा छन्। आज दिनकै उत्कृष्ट ४-अन्डर ६८ स्कोर कार्ड बनाएका दिनेश नवौं स्थानबाट तेस्रो स्थानमा उक्लिएका हुन्। विजयले आज १-ओभर ७३ मा खेल सकाए।आज १-अन्डर ७१ स्कोर बनाउँदा समग्रमा २-अन्डर २ सय १४ सहित निरज तामाङ पाँचौं स्थानमा छन्। एमेच्योर राहुल विश्वकर्मा समग्रमा १-ओभर २ सय १७ सहित छैटौं स्थानमा उक्लिएका छन्। उनले आज ३-अण्डर ६९ को कार्ड तयार पारे।यसैगरी एमेच्योर टासी छिरिङ र प्रो सञ्जय लामाले समग्रमा २-ओभर २ सय १८ सहित सातौं स्थान बाँडे। टासीले १-अण्डर ७१ र सञ्जयले इभन-पार ७२ मा आजको खेल पुरा गरे। समग्रमा ३-ओभर २ सय १९ सहित युवराज भुजेल र रवि खड्का संयुक्तरुपमा नवौं स्थानमा छन्। दुवैले आज ४-ओभर ७६ मा खेल पुरा गरे।लगातार दुई दिनको संयुक्त लिडर भुवनलाई पछि पार्दै एकल अग्रता बनाउने क्रममा सदभावले फ्रन्ट नाइन २-अन्डर ३४ मा सकाए। तेस्रो र छैंटौं होलमा बर्डी प्रहार गर्दै फ्रन्ट नाइन बोगी रहित खेले। यसपछि १४औं होलमा एक सट बचाए पनि १७औं होलको बोगीले ब्याक नाइन इभन-पार ३६ मा सकाए।भुवनले राम्रो सुरुवात गर्दै फ्रन्ट नाइन ३-अन्डर ३३ मा पुरा गरे। दोस्रो होलमा एक सट खेर फाले। तर यसपछि चौथो, छैटौं, सातौं र नवौं होलमा बर्डी प्रहार गरे। तर यो लयलाई भुवनले निरन्तरता दिन सकेनन्। १५औं र १७औं होलमा बोगी खेप्दै ब्याक नाइन २-ओभर ३८ मा सकाए।दिनेशले फ्रन्ट र ब्याक नाइन दुवै २-अन्डर ३४ मा पुरा गरे। चौथो होलको बोगीका विरूद्ध तेस्रो, सातौं र आठौं होलमा बर्डी प्रहार गरे। यसपछि १०औं र ११औं होलमा पनि एक-एक सट बचाए।विजयले फ्रन्ट नाइन इभन-पार ३६ मा सकाउने क्रममा तेस्रो र सातौं होलमा एक-एक सट बचाए भने पाँचौ र छैटौं होलमा बोगी खेपे। ब्याक नाइन भने १-ओभर ३७ मा पुरा गरे। विजयले दशौं देखि १२औं होलमा लगातार तीन बर्डीको सफलता प्राप्त गरिसकेका थिए। तर ४-पारको १४औं होलमा ट्रीपल बोगीको समाना गर्न बाध्य हुँदा १७औं होलमा एक सट खेर फाले। ८ लाख ४० हजार रुपैयाँ पुरस्कार  रहेको प्रतियोगिताको विजेताले १ लाख ४० हजार रुपैयाँ पाउनेछन्। दोस्रोले ९६ र तेस्रो हुनेले ७२ हजार रुपैयाँ हात पार्नेछन। कट बनाएका २३ प्रो गल्फर मध्ये उत्कृष्ट २१ गल्फरले नगद पुरस्कार प्राप्त गर्नेछन्। 

March 27, 2024

इटहरीमा अर्को महिना ओलम्पियन पुनर्मिलन हुने

काठमाडौं (हाम्रो खेलकुद) – तेश्रो ओलम्पियन्स पुनर्मिलन तथा स्पोर्टस सेलिब्रेटी मिट– २०२४ कोशी प्रदेशमा आयोजना हुने भएको छ। सुनसरीस्थित इटहरीमा हुने कार्यक्रमका लागि प्रदेश खेलकुद विकास बोर्ड, कोशी प्रदेशका सदस्य–सचिव हंशराज वाग्ले र नेपाल ओलम्पियन्स संघका अध्यक्ष दीपक विष्टले सम्झौता पत्रमा हस्ताक्षर गरे । सम्झौता अनुसार खेलकुद विकास बोर्ड कोशी कार्यक्रमको आयोजक रहने छ भने […]

March 25, 2024

प्रो भुवन र एमेच्योर राहुल शीर्षस्थानमा 

काठमाडौं (हाम्रो खेलकुद)- सूर्य नेपाल गल्फ टुर २०२३-२४ अन्तर्गत छैटौं प्रतियोगिताको रुपमा रहेको सूर्य नेपाल एनपिजिए टुर च्याम्पियनसिपको पहिलो दिन सोमबार प्रो भुवन नगरकोटी र एमेच्योर राहुल विश्वकर्मा संयुक्तरुपमा शीर्षस्थानमा रहन सफल भएका छन्। उनीहरूले ३-अन्डर ६९ को स्कोरमा पहिलो दिनको खेल सकाएका हुन्। भुवन र राहुलले १८ होलको समाप्तीमा तीन प्रोफेसनल खेलाडी रमेश अधिकारी, रवि […]

Success

Thank you for your time.