2 years ago
October 22, 2021
काठमाडौं (हाम्रो खेलकुद) – हिमानी कोषले शुक्रबार तिहार र छठको उपलक्ष्यमा शुभकामना आदानप्रदान कार्यक्रम आयोजना गर्दा खेलाडीहरुलाई पनि महत्वका साथ निमन्त्रणा गरिएको थियो । झण्डै दुई वर्ष स्वदेशमा आयोजना भएको १३ औं दक्षिण एसियाली खेलकुद (साग) का स्वर्ण पदक विजेतासहित ओलम्पियन, पूर्व खेलाडीलगायतलाई निमन्त्रणा गरिएको थियो । नेपाल राष्ट्रिय तथा अन्तर्राष्ट्रिय खेलाडी संघका अध्यक्ष एवंम् […]
काठमाडौं (हाम्रो खेलकुद) – हिमानी कोषले शुक्रबार तिहार र छठको उपलक्ष्यमा शुभकामना आदानप्रदान कार्यक्रम आयोजना गर्दा खेलाडीहरुलाई पनि महत्वका साथ निमन्त्रणा गरिएको थियो ।
झण्डै दुई वर्ष स्वदेशमा आयोजना भएको १३ औं दक्षिण एसियाली खेलकुद (साग) का स्वर्ण पदक विजेतासहित ओलम्पियन, पूर्व खेलाडीलगायतलाई निमन्त्रणा गरिएको थियो । नेपाल राष्ट्रिय तथा अन्तर्राष्ट्रिय खेलाडी संघका अध्यक्ष एवंम् आठौं र नवौं सागका स्वर्ण पदक विजेता दीपक श्रेष्ठका अनुसार कोषले खेलाडीलाई कार्यक्रममा सहभागी हुन व्यक्तिगत निमन्त्रणा कार्ड पठाएको थियो ।
पूर्व युवराज्ञी हिमानी शाह अध्यक्ष रहेको कोषको कार्यक्रममा पूर्व राजा ज्ञानेन्द्र शाह, पूर्व युवराज पारस शाहको पनि उपस्थिति थियो । कोषले कला, खेलकुद तथा साहित्यिक क्षेत्रमा योगदान पुर्याउने व्यक्तिहरुसँग शुभकामना आदान प्रदानका लागि कार्यक्रम आयोजना गरेको थियो ।
सोल्टी होटलमा भएको कार्यक्रममा औपचारिक कार्यक्रम भने नरहेको खेलाडी संघका अध्यक्ष श्रेष्ठले बताए ।
हिमानी शाहले नै अतिथिहरुलाई स्वागत गरेकी थिइन् । पूर्व राजाले खेलाडीसहित आमन्त्रित अधिकांशसँग अनौपचारिक कुराकानी गर्दै तस्बिर समेत खिचाएका थिए । पारस शाह, हिमानी शाहसँग पनि खेलाडी, कलाकारले तस्बिर खिचाएका थिए । श्रेष्ठले कोषले पहिलो पटक खेलाडीहरुलाई कार्यक्रममा बोलाएको बताए ।
१३ औं सागमा नेपालले ५१ स्वर्णसहित २ सय ७ पदक जितेको थियो । सन् १९८४ बाट सुरु भएको सागमा नेपालले सबैभन्दा बढी पदक १३ औं सागमा जितेको थियो । पदक तालिकामा नेपाल भारतपछि दोस्रो स्थानमा रहेको थियो ।
March 19, 2024
काठमाडौं (हाम्रो खेलकुद) – विभागीय नेपाल एपिएफ क्लबले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ तीन भारतीय खेलाडी सम्मिलित सुदुरपश्चिम प्रदेशमाथि सानदार पूनरागमन जित दर्ता गरेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा मंगलबार सुरुवाती दुई सेट गुमाएको एपिएफले त्यसपछिको सबै तीन सेट आफ्नो पक्षमा पार्दै सानदार पूनरागमन जित निकाल्दै समूह […]
March 19, 2024
काठमाडौं (हाम्रो खेलकुद) – युवा तथा खेलकुद मन्त्री विराजभक्त श्रेष्ठले नेपाली खेलकुद एकैदिनमा उदो गतिमा नपुगेको बताएका छन् । नेपाल खेलकुद पत्रकार मञ्ज (एनएसजेएफ) को आयोजनामा मंगलबार भएको अन्र्तक्रिया कार्यक्रममा मन्त्री श्रेष्ठले चरणबद्ध रूपमा नेपाली खेलकुद उदो गतिमा गएको धारणा राखेका हुन् । मञ्चले मन्त्री श्रेष्ठसँग परिचयात्मक र अन्र्तक्रिया कार्यक्रम आयोजना गरेको थियो । मञ्चका […]
March 19, 2024
काठमाडौं (हाम्रो खेलकुद) – साविक विजेता टिप टप हेल्प नेपाल स्पोर्ट्स क्लब समूह ‘ए’ को विजेता बन्दै आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ क्वाटरफाइनलमा प्रवेश गरेको छ । समूह चरणको अन्तिम खेलमा ढोरपाटन स्पोर्ट्स क्लबलाई ३–० को सोझो सेटमा पराजित गर्दै हेल्प नेपाल समूह विजेता बन्दै अन्तिम आठमा स्थान पक्का गर्न सफल […]