default_image

3 years ago

August 15, 2021

बेलायतमा तेस्रो मोना कप हुँदै

मनसुधन थापामगर, बेलायत मोना भलिबल क्लब युकेले बेलायतमै सबै भन्दा ठूलो धनराशी पुरस्कारको भलिबल प्रतियोगिता गर्ने भएको छ । बेलायतमै सबैभन्दा ठूलो धनराशी पुरस्कारसहित अगस्ट २८ तारिखका दिन प्रतियोगिता सम्पन्न हुने आयोजकले जानकारी दिएको हो । म्याग्दी प्रवासी नेपाली संघ (मोना) यूकेको आयोजना र मोना भलिबल क्लबको संयोजकत्वमा सम्पन्न हुने प्रतियोगिता रस्मुर सेन्ट्स फुटबल क्लब […]

77 views

0 Bookmark

मनसुधन थापामगर, बेलायत

मोना भलिबल क्लब युकेले बेलायतमै सबै भन्दा ठूलो धनराशी पुरस्कारको भलिबल प्रतियोगिता गर्ने भएको छ । बेलायतमै सबैभन्दा ठूलो धनराशी पुरस्कारसहित अगस्ट २८ तारिखका दिन प्रतियोगिता सम्पन्न हुने आयोजकले जानकारी दिएको हो ।

म्याग्दी प्रवासी नेपाली संघ (मोना) यूकेको आयोजना र मोना भलिबल क्लबको संयोजकत्वमा सम्पन्न हुने प्रतियोगिता रस्मुर सेन्ट्स फुटबल क्लब अल्डरसटमा हुनेछ । प्रतियोगितामा पुरुष, महिला र प्रौढ भलिबल प्रतियोगितामा प्रतिस्पर्धा हुने मोना युकेका अध्यक्ष दल जुग्जालीले जानकारी दिए ।

पुरुषतर्फ प्रथम पुरस्कार १५०० पाउण्डर दोस्रो पुरस्कार ८५० पाउण्ड तथा महिलातर्फ प्रथम पुरस्कार ६०० पाउण्ड र दोस्रो पुरस्कार ४०० पाउण्ड रहेको छ । त्यसैगरी ४० बर्ष भन्दा माथि उमेर समूहको प्रौढ भलबिल प्रतियोगिताको प्रथम पुरस्कार ८०० पाउण्ड र दोस्रो पुरस्कार ४०० पाउण्ड राखिएको छ । प्रतियोगितामा म्यान अफ दि म्याच र सर्वोत्कृष्ट खेलाडीलाई समेत पुरस्कृत गरिनेछ ।

पुरुष तर्फ १६ टिम, महिला तर्फ ७ टिम र प्रौढ तर्फ ९ टिम गरि जम्मा ३२ टिमको सहभागिता हुने बुझिएको रहेको छ । प्रायः जसो टिमले आफ्नो टिम दर्ता गराइसकेको र इच्छुक क्लबले अझै नाम टिपाउन सक्ने सचिव तारा गर्बुजाबाट जानकारी प्राप्त भएको छ ।

बेलायतमा नेपाली समाजमाझ निकै सफल रहेको मोना भलिबल क्लबले आगामी दिनहरुमा अझै राम्रो गर्न सक्ने क्षमता खेलाडीमा रहेको क्लबका प्रशिक्षक टेक बुढाथोकीको भनाइ छ ।

यसप्रकारका प्रतियोगिताहरुले बेलायतमा छरिएर रहेका म्याग्दी प्रवासी नेपाली दाजुभाई तथा दिदिबहिनीहरुलाई आत्मियता बढाउने र म्याग्दीको संस्कार र संस्कृतिको संरक्षण गर्नेमा सहयोग पुर्याउने विश्वास नवनिर्वाचित एनआरएन युवा संयोजक तथा मोना भलिबल क्लब युकेका अध्यक्ष अनिल मल्लले राखे । उनले भलिबल खेलको माध्यमबाट आफ्नो जन्मथलो म्याग्दी जिल्लाको नाम पहिचान गराउने र प्रतिभा भएका खेलाडीहरुको कला, सिपको प्रर्दशन साथै एकता बलियो बनाउने जस्ता कुरामा सहयोग पुर्याउने बताउनुभयो ।

March 28, 2024

भलिबल संघ र केल्मीबीचको सम्झौता नविकरण

काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

Success

Thank you for your time.