काठमाडौं (हाम्रो खेलकुद) – नेपाली युवा टोलीले काभा यु २० पुरुष भलिबल च्याम्पियनसिपमा दोस्रो हार बेहारेको छ ।

नेपालले प्रतियोगिताको आफ्नो चौथो खेलमा दोस्रो हारको सामना गरेको छ । श्रीलंकाको कोलम्बो जारी प्रतियोगिता बिहीवार भएको खेलमा नेपालमाथि किर्गिस्तानले ३-२ को सेटमा जित हात पार्यो ।

नेपाल‌ले पहिलो र दोस्रो सेट गुमाएकोमा त्यसपछिका दुई सेटमा जित हात पारेर खेलमा २-२ कि बराबरी गर्यो। खेलमा फर्कने कोसिस गरे पनि नेपाल पाँचौ सेटमा हार बेहोर्न पुग्यो । नेपालले पहिलो सेट २३-२५ ले र दोस्रो सेट २१-२५ ले गुमाएको थियो । तर, नेपालले तेस्रो सेट २५-२१ ले र चौथो सेट २५-२२ ले जित्दै खेल पाँचौ सेटमा पुर्यायो । निर्णायक पाँचौ सेटमा १९-१७ को हारका साथ नेपालले खेल गुमायो ।

पहिलो खेलमा नेपालले घरेलु टोली‌ श्रीलंकालाई ३-० को सोझो सेटमा पराजित गरेको थियो । दोस्रो खेलमा उज्वेकिस्तानसँग ३-१ ले पराजित नेपालले तेस्रो खेलमा माल्दिभ्सएाई ३-० को सेटमा पराजित गरेको थियो ।

असोज २६ गतेसम्म कोलम्बोमा हुने प्रतियोगितामा नेपालले पाँचौ खेलमा असोज २५ मा तुर्किमेनिस्तानसँग खेल्नेछ ।

प्रतियोगिताको शीर्ष दुईमा रहने टोलीबीच फाइनल हुनेछ । केहि महिनाअघि काठमाडौंमा‌ भएको यु १९ भलिबल च्याम्पियनसिपमा गरेको प्रदर्शनबाट खेलाडी छनोट गरिएको हो ।

सोही प्रतियोगिताको महिला प्रतियोगितामा भाग लिएर छनोट भएका टोलीले साउनमा माल्दिभ्समा भएको काभा यु २० च्याम्पियनसिपमा कास्य पदक जितेको थियो ।

नेपाली टोली – पहल गहतराज, सुरेश मल्ल, शैलेन्द्र यादव, सुर्य विक, अर्जुन नेपाली, विश्वास अधिकारी, सागर रसौली, अशोक राना, जित बहादुर सार्की, सुजन सुनार, लेसमन राहादी र दिपेश कुवँर।