काठमाडौं (हाम्रो खेलकुद)– साधारण सभा नजिकिदै गर्दा नेपाल बक्सिङ संघको समिकरणले नयाँ मोड लिएको छ । संघका अध्यक्ष राजीव श्रेष्ठले पुनः अध्यक्षको चुनावी प्रतिस्पर्धाबाट आफुलाई अलग राखेपछि अर्का आकंक्षी राम अवालले नेतृत्व लिने बाटो सहज हुने देखिएको छ । यद्दपी शनिबार साधारण सभाकै बीच नयाँ समिकरण पनि बन्न सक्ने सम्भावना भने रहेको बताइन्छ ।

नेपाल बक्सिङ संघका अध्यक्ष राजीव श्रेष्ठ

अवालले ललितपुर जिल्ला बक्सिङका अध्यक्ष हुन् । नेपाल ओलम्पिक कमिटी (एनओसी) का अध्यक्ष जीवनराम श्रेष्ठ र महासचिव लामा टेन्डी शेर्पा श्रेष्ठको विपक्षीमा रहेका कारण उनी पछि हटेको बताइन्छ । श्रेष्ठ एनओसीका सह महासचिव हुन् ।
श्रेष्ठले शुक्रबार पत्रकार सम्मेलनमा यस्तै झल्को दिएका थिए । राजनीतिक हस्तक्षेप बढ्दै गएको र त्यसले बक्सिङ खेलको विकास गर्दैन श्रेष्ठले भने,‘ बक्सिङ खेललाई विवादरहित रुपमा अगाडी बढाउन संघका अवालेमार्फत सर्वसम्मम रुपमा अगाडी बढ्ने छ भन्ने विश्वास लिएको छु । ’ श्रेष्ठको पत्रकार सम्मेलनमा अवाले पनि उपस्थित थिए ।
संघका महासचिव दीपक गुरुङले आफु विना साधारण डाक्ने तयारी गरेको भन्दै मंगलबार पत्रकार सम्मेलनमार्फत साधारण सभा स्थगन गर्न एनओसी र राष्ट्रिय खेलकुद परिषद् (राखेप) र नेपाल आलम्पिक कमिटी (एअनेसी) सँग आग्रह गरेका थिए । श्रेष्ठविरुद्ध पत्रकार सम्मेलन गरेमा महाचिव गुरुङ पुनः त्यहि पदमा निरन्तरता दिने योजनामा छ ।
एकल रुपमा साधारण सभा बोलाएको भन्ने महासचिव गुरुङको भनाईलाई अध्यक्ष श्रेष्ठले अस्वीकार गरेका छन् । उनले पत्रकार सम्मेलनमा भने,‘ २५ सदस्यीय कार्यसमितिमध्ये १६ जनाले सभारण सभा गर्ने निर्णयमा हस्ताक्षर गरेर जेठ २२ का लागि साधारण सभा डाकेका हौं । श्रेष्ठले साधारण सभाका लागि सबै प्रक्रिया पुरा गरेको पनि दाबी गरेका छन् ।
राजनीतिक दाउपेचका लागि अनावश्यक आरोप पत्यारोपमा फसाउने काम भइरहेको महसुस गरेको सुनाउँदै श्रेष्ठले भने,‘यसले खेललाई ओरालो लाने काम भएको छ । बक्सिङको विकासमा सबै एकजुट हुन र विवादरहित भएर खेल विकासमा लाग्न मैले अब उम्मेदवारी नदिने निर्णय लिएको हु ।’
श्रेष्ठले एसियाली बक्सिङ संघको कार्यसमिति सदस्यमा रहेकोले नेपाली बक्सिङमा विवादको अन्त्य गर्नुलाई आफ्नो पनि कर्तव्य मानेको र आउने दिनमा पनि बक्सिङ विकासमा लाग्ने वचन दिएका छन् । श्रेष्ठका अनुसार साधारणसभामा २६ जिल्लाका २६, ४ क्षेत्रका ४, केन्द्रीय समिति २५, खेलाडी तथा प्रशिक्षकमध्येबाट २–२ गरी ५९ जनाले मतदान गर्न पाउने छन् ।