एजेन्सी – क्वारेवियन प्रिमियर लिग (सीपीएल) मा नेपाली लेग स्पिनर सन्दीप लामिछाने सम्मिलित बार्बाडोस ट्राइडेन्टसले सेन्ट लुसिया जुक्सलाई ७१ रनले पराजित गरेको छ ।

१ सय ७३ रनको लक्ष्य पछ्याएको लुसिया १४.५ ओभरमा  १ सय १ रनमा अल आउट भयो । उसका लागि हार्डस भिलोजेन ३१ र कोलीन डी ग्राण्डहोमले २८ रन जोड्न बाहेक अन्यले राम्रो प्रर्दशन गर्न सकेनन् । बार्बाडोसलाई सहज जित दिलाउन कप्तान जोसन होल्डर र जोशुआ बिशपले समान २ विकेट लिए । त्यस्तै सन्दीप लामिछाने,जोश लालोर र रेमोन रिफरले समान १ विकेट लिए । सन्दीपले ३.५ ओभरमा २९ रन खर्चेर १ विकेट लिएका थिए ।

त्यस अघि टस हारेर ब्याटिङको निम्तो पाएको बार्बाडोसले निर्धारित २० ओभरमा ६ विकेट गुमाउँदै १ सय ७२ रन बनाएको थियो ।

ओपनर जस्टिन ग्रीब्सले सर्वाधिक ५७ रनको योगदान दिए । उनले ४५ बलमा ६ चौका र २ छक्का प्रहार गरे । त्यस्तै अर्का ओपनर जोसन चाल्र्सले १९ बलमा १ चौका र २ छक्का सहित २८ रनको योगदान दिए । जोनाथन कार्टरले २१ बलमा ४ छक्का सहित ३०,जेपी ड्युमिनीले १८ रनको योगदान दिए । एलशे नर्श १५ रन जोडे । लुसियाका केस्रिक विलियम्सले सर्वाधिक ३ र ओबेद म्याकोयले २ विकेट लिए ।

यस्तो रह्यो सन्दीपको ३.५ ओभर

सातौ ओभरमा आफ्नो पहिलो स्पेल लिएर आएका सन्दीपले ४ रन मात्र खर्चिए । कोलिन डी ग्राण्डहोम डरेन सम्मीलाई १–१ रन गरि ४ रन मात्र खर्चिए । सन्दीपले दोस्रो र पाँचौ बल डट राखेका थिए ।

सन्दीपले नवौं ओभरमा ७ रन खर्चिए । पहिलो बलमै डी ग्राण्ड होमले सन्दीपलाई चौका प्रहार गरे । दोस्रो बल डट रोखे । तेस्रो बलमा डी ग्राण्डहोम २८ रनमा रन आउट हुन पुगे । चौथो बलमा डट राख्दा पाँचौमा २ र छैटौमा १ रन दिए ।

सन्दीपले १३ औं ओभरमा २ रन मात्र खर्चिए । पहिलो बलमा हार्डस भिलोजेनलाई १ रन दिए । सन्दीपले केस्रिक विलियम्सलाई लगातार ३ बल डट राख्दा पाँचौ बलमा १ रन दिएका थिए ।

सन्दीपले आफ्नो अन्तिम स्पेलको १५ ओभरमा भने खराब प्रर्दशन गरे । हार्डस भिलोजेनले सुरुवाती दुई बलमा लगातार छक्का प्रहार गरे । तेस्रो बलमा एक रन दिए । चौथो बलमा फहाद अहमीदलाई ३ रन दिए । पाँचौ बलमा सन्दीपले हार्डसलाई ३१ रनमा बोल्ड आउट गरे । ओबेद म्याकोय रिटायर्ट आउट भएपछि सन्दीपले अन्तिम बल गर्नु परेन ।